باسم يوسف: لو الأقباط نجحوا شفيق كانوا غيروا نتيجة الاستفتاء أو مجلس الشعب، بلاش الشماعة الخايبة دي

أستنكر الإعلامي "باسم يوسف" حشد بعض القوى السياسية ضد الأقباط بدعوى أنهم السبب في صعود أسهم "شفيق" لجولة الإعادة. 
 

متساءلاً: ولما شفيق اكتسح في الدقهلية ومحافظات الدلتا اللي معظمها مسلمين كانوا أقباط برضة؟ إيه الهبل دة؟

وأستطرد قائلاً: لو الأقباط مؤثرين قوي كده يبقى بلاش نغمة الأقلية وإنهم يمشوا على هوا الأغلبية. عاملهم كشريك مش تابع وتيجي تلومهم بعد سنة. وأكد: لو الأقباط فعلاً نجحوا شفيق كانوا غيروا نتيجة الاستفتاء ومجلس الشعب.
 

مختتمًا: لو حد صوت للشيطان عشان خايف منك لوم على نفسك من اللي عملته من تعالي وغرور واستغلال الدين لمدة سنة، ماتلومش اللي خايف. وأكد قائلاً: مسلمين كتير صوتوا لشفيق، وأقباط كتير صوتوا لصباحي فبلاش الشماعة الخايبة دي.