أسماء محفوظ تصف طنطاوي بـ القائد الأعلى للمجرمين المسلحين والقاضي بالعمى والقضاء بالبلطجة داعية لمسيرات

أماني موسى | 2012-06-02 16:35:52

كتبت: أماني موسى
طالبت الناشطة الأبريلية أسماء محفوظ عبر صفحتها الرسمية على موقع التواصل الاجتماعي "تويتر" جموع المصريين بنزول الميادين لاستكمال الثورة –على حد تعبيرها-.
وشككت محفوظ في القضاء المصري والمجلس العسكري قائلة: شرعية؟؟؟ شرعية إيه أنا لا عايزة أسمع كلمة شرعية ولا كلمة قانون.
مضيفة: ده مش قضاء دي بلطجة، والبلطجة ملهاش إلا أسلوب واحد للتعامل معاها.
وعن المجلس العسكري قالت: علشان المجرمين ياخدو إعدام –قاصدة مبارك ورجاله- لازم الثورة تحاكم القائد الأعلى للمجرمين المسلحين، وإن غدًا لناظره قريب.
وعلقت ساخرة على القاضي قائلة: القاضي مش لاقي دليل؟؟؟؟ اتعمى؟؟ القتل على شاشات التلفزيون دليل إييييه براءة خالص!! الراجل اللي بيقول إني ضربته كان معاه دليل لما اخدت سنة؟
وطالبت الجميع بالنزول والمشاركة بقولها: أنا نازلة دلوقتي لدار القضاء العالي ومش هسكت لو أنت راجل انزل معايا عشان تحميني وتحمي بلدك، رجعنا تاني لقبل ٢٥ أنزل عشان نجيب حق أخواتنا.

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع