طباعة الصفحةآن الأوان
|
2012-06-19 10:36:10
ولما ان الاوان
جريت عليه من سكات
ومقولتش وقتي حان
رايح علي السموات
في اخر وعظه
مرضتش يا بابا تودعنا
منغير ولا كلمه
متستحملش حبيبي دموعنا
ومقولتش انا ماشي سلام
ولا موضوع المره الجايه
قولتلنا خلصت كلام
وفي قلبك رايح الابديه
مفهمناش يا بابا سلامك
حبنا شال من الفكر الموت
وبنشتاق دايما لكلامك
بنعيش فيه فوق في الملكوت
والقلب عليك بيبكي
ما عظاتك دي حياته
وعرف منغير ما يشكي
معني عزيز موت اتقياؤه
عارف انك سامعني
بتقولي بتبكي ليه
سامحني ما انت قلبي
راح قلبي ببكي عليه
لو مش شايفاك عينينا
عارفين انك هناك
لو مش لامساك ايدينا
منقولش البابا مات
حاسين بايديك معانا
في الشده والضيقات
وخدمتنا بأمانه
كنت سيل تعزيات
هو اللي بيعيش في قداستك .بنقول مات ؟!!
ولا يمكن ابدا بيموتوا
ولا يمكن ابدا . يسوعنا مش اله اموات
وانت يا بابا عشنا في حضنك في السموات
ملاك زيك. شفنا احلي كلام في سكوته
صامد صابر . مهما كان في القلب اهات
زي مسيحنا . افراح قيامه في صلبوته
واحنا في قلبك . ازاي هيفرقنا ممات !!
وكتير رحنا لعالم تاني
في صلاتك.كتبك.من صوتك
واما بكون تعبان وبعاني
يفرح قلبي لما بشوفك
والموت عمره ما يفصلنا
احنا عدينا الموت بزمان
بيسوع دسنا الموت وغلبنا
شايفينك بعين الايمان
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
جميع الحقوق محفوظة للأقباط متحدون © 2004 - 2011 www.copts-united.com