طباعة الصفحةملكة أنا
|
2012-07-23 00:00:00
ملكة أنا
ولا أمة
فى مملكتك يا حبيبى
ما بين ايديك
تدوب الفروق
وتتوه المعانى
والأمانى كلها
تبقى واحدة
إنى أكون بين إيديك
ملكة أنا
أو حتى أمة
فى مملكتك يا حبيبى
عاشقة انا
وجودى فيك
وحياتى بيك
وبين ايديك
وقربى منك
ولو هكون
جنبك أمة
قربى منك راح يكفينى
ويرقينى ويعلينى
لحد السما
قربى منك
غصب عنك
بحبى ليك
هيخلينى
على عرش قلبك
ملكة انا
كبريائى راح يبقى بيك
وعلو شأنى بيك هيزيد
لما أعيش
لحظة فى نن عينيك
لما تلمس
ايدى ايديك
بحبك أنا
وعلى عرش قلبى
توجتك
وسكنتك
وقفلت عليك
مليكى وملكى
وكل ما فيك
راح يبقى ليا
وأتمنى أبقى ليك
ملكة أنا
ولا أمة
فى مملكتك
يا حبيبى
جميع الحقوق محفوظة للأقباط متحدون © 2004 - 2011 www.copts-united.com