تضرب كمان ساعة الأذان

صفوت فريزغالي | 2012-08-07 00:00:00

بقلم- صفوت فريز غالي
ماعدش ينفع ياوطن لا بكا ولا نواح
وقعت خلاص الفاس فى الراس ياصلاح
الثورة قتلوها..... ماتت وغطوها
راح الولد يابلد... وياريتة نام وارتاح
اتارية حزين فى تربتة على ثورتة
كان الولد زى الاسد فى صحوتة
رافع علم مليان ألم والظلم قدامة اتهزم
كسر قيود الكبت يصرخ فى جمعة وسبت
وعلى الحدود زى الاسوووود فوق الرمال
خاين حقود مليان جحود قتل الرجال
أرهابى هو وشلتة قتل اخوة فى وحدتة
عيون سهرانة تحرسنا تأنسنا بين الجبال
جاك قطع ايدك قتلت سييدك ياكلب ضال
مين اللى سابك علينا تقتل الأبطال ؟
صوتنا اتنبح علشان شبح جابلنا الاندال
وقلب مصر اللى إندبح عندك حلال
ندل وجبان خسيس وخان فين الضمير ؟
تضرب كمان ساعة الآذان أصلك حقير
حرمة بلدنا وروح ولادنا مش لعبتين
مصر اللى عاشت عمرها رفعة الجبين

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع