طباعة الصفحةمواطن لو فاضية جيوبى
صفوت فريزغالي |
2012-09-06 10:45:02
بقلم: صفوت فريز غالي
مواطن لو فاضية جيوبى
فلاح من بحرى أو نوبى
دكتور أو عامل مش فارقة
أبيض أو أسمر كان لونى
مواطن مؤمن برســالتى
إن انت اخويا وف عيونى
لا يهمك إسمى ولا وظيفتى
ولا تشــغل بـالـك بعـــيوبى
الإنسانية دى مدرستى
بنى آدم توبـك من توبـى
بالحب نعيش فى وطن واحد
واللقمة حلال والخير كافى
أسرة ومتشابهة بلون واحد
والقلب حنين ومش جافى
مواطن مصرى وأهدافــى
تهميش الناس مش اسلوبى
والدين فى القلب مالوش صالح
ولا عمرى هاكون قاسى وجارح
ولا أحزن لو فاضيــة جيوبى
جميع الحقوق محفوظة للأقباط متحدون © 2004 - 2011 www.copts-united.com