طباعة الصفحةبيتنا الكبير
صفوت فريزغالي |
2012-09-07 10:08:06
كلمات الشاعر: صفوت فريــز
بيتنا الكبير دا كنيسة
وليــها أربع بـيـــبـان
نور المســيـح ماليها
ومن فوق فيها صلبان
بركــات فى كل جيهة
ترانـيـم صلاة وألحـان
بيتنا الكبير فية ناس
رافعين ايديهم فوق
بيصلوا مـن قلبـــهم
احوال بلدنــا تروق
خايفين على بعضهم
من اى شــر وسـوء
فى بيتنا الكبير شماس
محبوب من كل الناس
مواظب على العشية
وحافــظ كل الاجبـيــة
ولافوت يوم قداس
غيور على الكنيسة
ويعشق صوت الاجراس
وف مرة من المرات
وسط اسبوع الألامات
قام الشماس من نومة
على صوت انين وآهات
رشم الصليب وبسرعة
و بص شمال ويمين
مستغرب دا صوت مين ؟
ماهو قام مالنوم وبفزعة
ومش عارف صرخة مين
والنور حولية كان باهى
وصوت بيقول ياألهى
وبنبرة قلب حزيــــن
أغفر للبنى أدميــــن
داغلابة ومش فاهمين
الصوت مليان احساس
وباينلة رسالة سماوية
مقصود بيها الشماس
وساعتها إطمن قلبة
وبدأ يرشم فى صليبة
أتارى الرب حبيــــبة
شاف إنة وقع فى خطية
رغم انة امين فى صلاتة
وكرس للخدمة حياتة
بفضيلة ونعمة قويــة
لكن شئ واحد فاتة
كان يبخل يدى عطية
مع إنة جميل فى صفاتة
ماعملش أهم وصيـــة
وصانا الرب عليها وقال
إعطى المحتاج فى حياتة
ســدد كل احتيـاجـاتـة
وســاعد كل فقيــــر
حتى المسجون فى قضية
ولو اى مريض فى سرير
وأسعد كل البشـــرية
الخير راح يبقى وفيــر
لو إيدك تبقى سخية
دا الهنا ابو التدابيــــر
وجمايلة عليك وعليا
جميع الحقوق محفوظة للأقباط متحدون © 2004 - 2011 www.copts-united.com