ليلة رأس السنة

صفوت فريزغالي | 2012-09-11 10:36:24

كلمات الشاعر : صفوت فريز غالى

في ليلة رأس السنة ولعوا شموع للشهيد

إن كان شقيق أو ضنا أو لو قريب من بعيد

قديس سكن في السما لابس جديد في جديد

موجود في حضرة ربنا يلا إعملوا تمجيد

وأوعى يا أمي تولولى عايزك تصلي تجلجلي

بكرة الغيوم هاتنجلي.. بكرة هايبدأ عام جديد

شهداء كتير دمهم بسم المسيح بينادى

يصرخ إلى الله يا رب إحفظ بلادي

ويد الشر أبعدها ونجي ولادى

من الشرير عدو الخير يا فادي

من الشيطان إللي بيضرب الغلبان

دا أصله جبان والقتل عندة شيء عادي

في ليلة رأس السنة وليلة العيد

خلوا الإيمان والإرادة حديد في حديد

رافعين صلاة لربنا طالبين أمان

من الأشرا ر وحتى النار هاتبقى جليد

في ليلة رأس السنة ولعوا شموع للشهيد

إن كان شقيق أو ضنا أو لو قريب من بعيد

قديس سكن في السما لابس جديد في جديد

موجود فى حضرة ربنا يلا إعملوا تمجيد