بين فرعون و فرعون

- لنعيد عقارب الساعة / المزولة ٥٠٠٠ عام الي الخلف :) 

المكان : قصر فرعون - هيليوبليس - مصر !!! 

الزمان : ٥٠٠٠ BB قبل الميلاد ،،،

 

و من مصدر موثوق في القصر الفرعوني : "هذا و بعد محاولات مستميتة قد ينجح الشعب في الخروج من مصر ! ويمكن القول بأن ما حدث كان بمثابة فشل أُس فشّل - لكل مستشاري فرعون و نوابه و مساعديه ! فهي ليست السابقة الأولي !حتي نغفر ما يحدث الان ! فكل مشورتهم كانت تلخصت في فرض السيطرة و المحاصرة و استعراض القوة ! .... أظن ان هذا ما يحدث الان ! 
 

- المصدر " هذا و قد قام موسي فعلا بطرح عصاه التي تحولت لحية و قام سحرة فرعون بذات الفعل " 

-و لكن المحلل يري انه شتان الفرق !!! فموسي شخص (يؤمن بقضية )اما عبيد فرعون فهم ( ينفذون التعليمات)فقط ! أليس هو نفس الفارق بين القوي المدنية التي جمعها الايمان بقضية و هي ( الحرية و عدم فرض الديكتاتورية ) و بين هؤلاء من تحركهم التعليمات ! جوهر قضية موسي قديما ! هي ذاتها قضيتنا اليوم !

- لم يكن موسي استعراضيا و ان بدا ذلك لفرعون :) و لم يكن يوما زعيما ولا حتي خطيبا و ان بدا ذلك لمستشاري فرعون :) لكن ببساطة إيمانه بالمهمة ( علي حق )جعل من كلامه تهديد للكيان !
 

-كنا زمان بنكتب كلمة هااام -لما الدكتور يعلن في المحاضرة و يقول دا سؤال امتحان :)

: اكتب ورايا يا سي مرسي و سيبك من المذكرات الخارجية بتاعت المرشد :

" ان ما تفعله الان قد يولّد قادة جدد ! لم نكن نسمع عنهم مطلقا و لم يكونوا هم انفسهم مكتشفين لقدراتهم ولا امكانيتهم الرهيبة بل و ستتفجر مواهب جديدة في ان واحد ! وتكون العصي السحرية التي استخدمها موسي هي بذاتها هؤلاء الشباب بتوع 2011 مّن اسقطوا مبارك -المرادي ( version 2013 ) ! نزول مصري ! مصيري ! لأن لا احد منهم يعتقد ان نواياك سليمة او سلّمية علي الاطلاق هذه المرة ! فتبقي الطاقات الداخلية المتفجرة سماتهم ، و تبقي قنابل و متفجرات (الداخلية) سماتك .
 

-كلها نوايا سيئة ! فمخطط فرعون كان في ان مركباته الخربية هتخلص الموضوع ! و مخطط مرسي " ميليشياته و اعوانه اللي هددوانا في الانتخابات اكيد هتنهي عالموضوع " 

أؤكد لك النتيجة محسومة " انت الخاسر zero "

- كلهم عصي ! بس الأولي قوة إلهية اما التانيين فسحر و شعوذة ! كلنا مسلمين و مسيحين و في دي متفقين :)،يعني هل يُعقل مدّنيين مُتدّينين عاقلين قُضاة ، نِقابيين و صحفيين مُنتظرين قرار عُدول حكيم و دستور سليم ! هيتفقوا مع مليون تابعين !! نفس السيناريو اللي اشتغل في الصعيد من امبارح زيت و سكر و بطاطين ،اتوبيسات من الاقاليم و في التحرير نازلين !! انا مش فاهم لحد اللحظة دي يعني ايه مؤيدين؟!؟ في اوروبا و كل دول العالم المظاهرات للمعارضين !؟ 

-المصدر : هذا و قد قدم موسي لفرعون كافة مطالبه :"عيش ،،، حرية ،،، عدالة اجتماعية " و اعلن فرعون دعوة كل الأطراف للحوار.

! فجأة " : البحر أمامنا و العدو ورائنا " التأسيسية امامنا و الإعلان الدستوري خلفنا 

- " أنا ! اسيبكوا تطلعوا ؟!؟ " هيّ نفسها أسيبهالكوا واطلع انا !! مستحيل !! "
 

مرة اخري اكرر النتيجة محسومة " المردة دي صفر الاخوان بس مش بالتزوير زي الوطني زمان ! النهارده بارادة شعب ! بكل الأطياف و الألوان ) 

- بالتأكيد قرار ملاحقتهم حتي البحر الاحمر كان بمشورة حماسية من جماعتهم ،، اقصد احدهم !
 

المصدر نقلا عن احد كبار المستشارين " ازاي و ازاي يا ريس ترجع في كلامك !! هو انت فعلا رجعت فيه ١٠ مرات قبل كدا بس لأ ! إلا المرادي ! ! " 

والنهاية : كله عارفها( هًْو اللي غِرق ) !! 
 

- بس واحد (إعلامي) -من قناة ال،،،، و الناس- اعترض : ( لأ هُمّا اللي غرّقوه و مَغرقوش )،،،

و السؤال الثاني : مين بقي سحرة فرعون ! إحنا و لا انت يا عم المرشد :))

طبعا! لا دا ولا دا صح " مشيئة الله هي الحاسمة ! 

المصدر الرئاسي الكبير " باسم فرعون " لم اكن انتوي النزول الي البحر ،،، اقصد الميدان :) " 

الوضع الان : انتهي مشهد مصر القديمة و الان مصر الاقدم !! مع الأخوان
 

العبد لله كاتب الكلمات ؛ ادي الامتحان يا مرسي و إدي الاجاباااات ،، و هتجيبوا صفر - انا عارف - !!! الكارثة ! اانكوا لا فاهمين و لا حتي حافظين !الحقيقة أنتم فقط تابعين .