طباعة الصفحةيعنى ايه كلمة وطن
محبة مترى |
2012-12-02 08:39:51
بقلم محبة مترى
يعنى ايه كــلمة وطــــــــن؟
وطــنـك ده باعك من زمــان
مش هو كان حضن وسكن؟
انســـى الســـــكينة والامان
اصـبحت فيه خلاص غريب
والظــــلم ع الابواب قــريب
حــاسس بوحدة جـــوه بيتى
شوف لك مـكان هناك أمــان
بس وطــــنى فــيه حــــياتى
فيه حــــبايبى وذكـــــــرياتى
كــــلمة بحــــــبه مش كفاية
وكـــــل ظـــــلم وله نهــــاية
مش ده اللى فيه سهرت اغـــنى؟
مش ياما قضيت ليالى فى التمنى؟
كـــنت عــــايش فيه امـــــير
وقـــــــت ماكنا بالضـــــفاير
كان مــــــعايا اصحاب كتيــر
كان مــجمعنا بيتنــا الكبيــــر
راحــــــوا فـــين الآن ؟
مـــــش هـــــــما دول
اللى كنت اعرفهم زمان
ليه الوجــــوه اتبدلــــت
حتى القلوب مبقيتش نفس النبض
مع ان نفـــس الارض هى الارض
ولسه اثار رسوماتنا على الجدران
ورد وشـــجر بس بدون الــــــوان
كـــله بقى بهــــتان
وتراجــع الانســـان
تراجـــع الانســـان
ونسيت معانى اجمل الكلمات
يعـــنى ايه كلـــمة وطــــن ؟! !
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
جميع الحقوق محفوظة للأقباط متحدون © 2004 - 2011 www.copts-united.com