عرف الناس إيه هو الدستور

تجربة هامة و ناجحة .. من بضع دقائق ...هام هام هام ... قصة طويلة بس أرجوكم اقروها للنهاية ..

كنت بادفع الحساب علي كاشير في سوبر ماركت مترو في المعادي ... و قررت أضع التجربة تحت التنفيذ الفوري .. تجربة توعية البسطاء لمساوئ الدستور ..

قولي يا ابو الشباب ( شاب الكاشيير )... إيه رأيك في الدستور الجديد .. جتصوت نعم او لا ..

 

والله يا باشمهندس بيقولوا فيه مواد مستحدثة كويسة 

انت قاريته .. لاء ( متوقع ) ... طيب تعال احكيلك الدستور حيودي مصر علي فين ..

مش إحنا قمنا بثورة علشان نشيل ديكتاتور و شباب استشهد علشان يبقي فيه حرية ..

طبعاً ... ( طلعت الموبايل و كنت مسجل عليه كل المصائب اللي في الدستور اللي تبين ان مرسي سيصبح له صلاحيات اكتر بكتير من حسني مبارك ..

أتلم خمس ست أنفار حوالايا و باعوا الزبون والله و قعدوا يسمعوا و أنا بملي عليهم الكوارث ..

كانوا مستعربين حتي الزبون قعد يسمع مع ان شاكله مرساوي ..

 

المادة اللي حققت الضربة قاضية .. هي ان الدستور لغي اللي كان مكتوب في دستور ٧١ انه لا يسمح ببيع اراضي سينا للأجانب و لا يحق تأجير قناة السويس .. اتخضوا و قالك ازاي تتلغي بس ... هم عايزيين يحلوا القضية الفلسطينية علي قفانا ... ( في الجول ) هم عايزيين بدوا قناة السويس ابتاع قطر ( في الجول ) 

 

و أخيراً .. زودتلهم الطين بلة لما عرفوا ان فيه مادة تمنع تغيير الدستور قبل ١٠ سنوات ...

كدة أنا ضمنت في اقل من ٥ دقائق ان فيه ٦ أنفار كانوا حيقولوه نعم ... اصبحوا أكيد حيقولوا لاء وبالثلث ... 

اللي عايز البرشامة بتاعة كوارث الدستور .. حابعتهاله علي الينبوكس علشان يحتفظ بيها للتوعية ...

اقتدوا فوراً في التحدث بعفوية مع البسطاء في كل مكان و زمان .. الكلام بيسمع و بسرعة البرق