استنكار شهداء القديسين

محمد فتحي | 2012-12-30 07:36:17

بقلم: محمد فتحى
زى الايام دية اتقتلوا ناس مصرية
طبعا ناسين مش فاكرين
شهداء القديسين
اللى دمهم مالوش دية

لما يتقتل مينا و ابرام
نقول دول وش اجرام
القتل فيهم مش حرام
ملعون ابو القضية

لازم نسيب دمهم يضيع
لازم نشترى فيه ونبيع
ونقول: شوية جرابيع!
حقهم مين الافندية

ياريت يموتوا كلهم
ملعون ابوهم ملعون امهم
احنا لسة هنشيل همهم
يادى الخيبة القوية

دول شوية كفار
مليون اتنين مش كتار
غار منهم اللى غار
عقبال الباقية!

زى الايام دية
اتقتلوا ناس مصرية
طبعا ناسين مش فاكرين
شهداء القديسين
اللى دمهم مالوش دية

المصرى اللى حقيقى بجد
يدور بين طوب الارض
على حق مارتينا و امجد
دول اخواتنا فى الوطنية

لازم نحاسب اى ندل
لازم طبعا من اجل
انصاف الحق و العدل
عدل الاديان السماوية

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع