"نجم": يا أجهل شعوب الأرض اخترت ليه طرطور، أرجوز فى أيد المرشد وشايل لقب دكتور!!

في تغريدة شعرية جديد للشاعر "أحمد فؤاد نجم" قال في قصيدته موجهًا كلامه للشعب المصري: 
 

يا اجهل شعوب الارض اخترت ليه طرطور

ارجوز فى ايد مرشده شايل لقب دكتور

من يوم مامسك الحكم مقطوعه ميه ونور

قالو فى ايده الخير ولو منه برده يغور

ارجوز بلدنا اتكشف وعرفنا ايه مخبيه

ممنوع عليه الكلام اصل الكلام مش ليه

والكلمة كلمة جماعه ومرشده ممليه

ومهما قال الغلط وراه جماعه تحميه

يا اغرب شعوب الارض منكم خلاص مليت

بعتو التاريخ والارض عشان أزازة زيت

يا بيعين العرض بكره تبيعو البيت

بكره الغريب يتحكم وهتبقو خدم البيت

كنت كبير يا وطن لكن خلاص وطيت

دخلت نعشك يا وطن وبكفنك اتغطيت

 

وفي تعليقه على إعادة محاكمة "مبارك"؛ قال "نجم": من سمح بالخروج الامن للعسكر أمثال "طنطاوي" . لن أتوقع منه عقوبة للنظام السابق بل أتوقع منه مصالحة النظام الفاسد.