طاطا يا بطاطا

| 2013-02-18 00:00:00

طا طا بياع بطاطا
كل يابيه بخمسين قرش وبجنيه
ملهوش قيمة لكن مهنه عفيفه ومستحيه

طا طا بياع بطاطا
من الفجرية صاحى وخواتى نجهز الشغله ديه
عشان مسألشى غير ربى صاحب الدنيا ديه

طا طا بياع بطاطا
عارف طلباتك يا أما الدواء وأجهز أختى ديه وديه
أستني سنتين ثلاثة واشتغل أكتر وربنا يفك الأزمه ديه

طا طا بياع بطاطا
وأنتى يابا كفاية تعب كفاية أنك علمتنى المهنه ديه
بكسب بالحلال وأبيع للناس بطاطا حلوه مستويه

طا طا بياع بطاطا
نازل أكسب رزقى ورزق عيلتى فى الناحيه ديه
شوفت رصاصة الغدر جاى بتجرى بسرعة مش عاديه

طا طا بياع بطاطا
ممكن يكون محدش حس بيا لكن دمى فى رقبة الأوامر ديه