التبشير بالاخوان

فى احد الايام تلقيت طلب اضافه صديق على صفحتى فى موقع الفيس بوك وانا كعادتى قبل ان اجيب اى طلب او ارفضه احاول ان افحص صفحه طالب الصداقه اولاً قبل الموافقه اوالرفض وبالفعل تصفحت على السريع ما يكتبه او ما يتشاركه مع الاخرين والمفاجأه اننى لم اجد الا شيئين على صفحه هذا الشخص الا وهما نقل مقالات الكاتبان المسيحيان الاخوانيان ( نسبه الى الاخوان المسلمين ) رفيق حبيب ورامى جان اتارى الا خ ده بعتلى طلب صداقه عشان لقينى عملت اعجاب على احدى مشاركات رفيق حبيب فهو بقى بيحب رفيق حبيب وبيحب اللى يحبه او يعجب بمقالاته ومن هذه الناحيه وعلى هذا الاساس بعتلى طلب صداقه فانا من ضمن المعجبين بصفحه الدكتور رفيق حبيب ويشرفنى ان من ضمن اصدقائى على الفيس بوك الاستاذ رامى جان ولكنى اختلف معهم ومع ارائهم عن الاخوان و انا فعلا معجب بكتابات رفيق حبيب ومن اسلوبه فى الكتابه هو ورامى جان الاتنين بيكتبوا بنفس الطريقه المتشابهه تماماً وكأنهم يغرفون من معين واحد نفس الاسلوب نفس الرأى نفس المشاعر نفس الكلمات ده حتى نفس عدد الحروف والاتنين يعتبران مبشرين بالاخوان تحس من كلامهم ان الدنيا مالهاش غير الاخوان بدونهم لن ينصلح الحال و ان الاخوان دول هيجوزوا العانس ويفكوا المربوط وهيعملوا العمايل ويسوا الهوايل وكأن الناس مشفتش الاخوان وجربت حكمهم والاغرب من ده ان اكتر ناس بتشتمهم وتسبهم وتتريق عليهم من المسلمين غير الاخوانين اصلاً او مين عارف يمكن برضه اخوان وبيكرهوهم وتتوالى الشتائم على ارائهم من عينه انت مالك انت يا نصرانى يا.......... تيت وهو انت بقى اللى ه ......... تيت ومع ذلك يصران على تبشيرهم للاخوان بكل عزم حاجه غريبه ومريبه طيب ليه وهل هما يريا ما لا يراه غيرهما ام ماذا فى الامر وبعد الشتائم والبذائات التى يسمعونها ما زالا مصرين على تبشيرهم بالاخوان طيب ازاى والسؤال الذى يحيرنى هل هما الاثنين لهما مميزات الاخوانى داخل الجماعه او الحزب حتى يعنى هل لهما وضع مميز بصفتهم مبشرين للاخوان بهذه الصوره وهل هما الاتنين مشتركين فى اسره اخوانيه وشعبه ومنطقه واحده ام لكل منهم منطقه مختلفه بحسب السكن طبعاً وهل يا ترى كل منهما يدفع اشتراك شهرى للجماعه ( من 3 الى 7% من راتبه ) اذا كان عضو منتظم عامل و مبايع ام انهم حتى الان اعضاء مؤيدين ومنتسبين فقط ام انهما على الهامش تماماً ويشعرون بالاغتراب بين الاخوان ايضاً كما اغترابهم عن اغلب المصريين والله اعلم