عربة للشنبات.. وعربة للمنقبات!

الراسل: قبطـي حـائر
وصلت مع أسرتي لمحطة المترو، وأستعدينا لتخطي العقبات!
ركبت أنا والولد عربة مرسوم عليها علامة: شنبات، وركبت مراتي ومعها بنتنا بعربة مرسوم عليها علامة: منقبات!
على باب العربة رفضوا دخولي أنا وابني بحجة أن شنبي صغير وابني مالوش.. وهذا من الممنوعات!
طب أعمل إيه؟ قالوا عندنا شنبات للبيع ماركة الست زينات!
غسيل ومكوة.. صنع الصين.. وممكن تستعمله لسنوات!
أوعى تركب المترو بدون شنب.. لئلا تخش في محاكمات!
+++

دخلت مراتي وبنتنا عربتهن فإتجهت نحوهن كل النظرات!
إيه ده؟ رأس عريانة وشعر سافر.. ده بقى من كبائر السيئات!
شافوا كل جسمين داخل شوالين.. يتمايلوا على بعض.. وكترت البوسات!
الإيد في الإيد.. طب لزومه إيه؟ خايفين لا تقعوا؟ ده أنتن داخل العربات!
إيه إللي بيحصل ده؟ مشاهد مقرّفة.. مصحوبة بأشنع الريحات!
بالذمة دول سيدات؟ ده داخل الزكيبات أجساد لرجال بعضلات!
فينك يا حكومة؟ شنبات إيه.. ومنقبات إيه؟ فوقي من الغفلات!
المرة الجاية هنرفع شعار: المشي في المطبات أفضل من الركوبات!

على موضوع: الفساد يعم إدارة مترو الأنفاق