ليه حيران

بقلم: صمويل طلعت
ليه حيران و حزين كده ليه   عيش الحياة متمسك بيه
ربك عايزك بيناديك   اديله عمرك بس ف ايديه
اصرخله ارحمني وهو سامعك  سلم كل قلبك ليه

 مهما تعبت و كافحت ف حياتك  لسة مافيش سعادة حقيقية
مهما سعيت ف الدنيا و عليت  لكن مادقتش سلامه و المعية
اهلا بالموت ماتخفش منه  طالما قلبك ملك ليه
بس عشله بأمانة ف أوقاتك  راح تضمن الأبدية فيه
وعده أمين جهز مكان  لكل شخص ملك ليه

ياترى أنت منهم يا انسان  ده انت حي و بتتحرك بيه
ده هو عايزك يضمك لقطيعه  بس قلبك ليه أديه
عيش شاهد عن موته و قيامته  احيا لمجد اسمه و ارضيه
يابختك لو عمرك ليه  يابختك لو ثابت فيه