دفاعاً عن «فاهيتا».. شاب يطلب تنظيم مظاهرة فى المحلة

 

«السخرية لا بد أن نواجهها بالسخرية».. هكذا فكر أحمد فاروق، الذى يُحضر رسالة ماجستير فى إدارة الأعمال.. يقول: «وقفتنا التضامنية مع أبلة فاهيتا ليس الغرض منها التضامن مع دمية، لكنها رد على طريقة التفكير الطفولية السائدة فى مصر، إحنا مش بالعقل الطفولى ده، وفيه قضايا أهم مليون مرة من أبلة فاهيتا عشان نتكلم عنها». «فاروق» يرى أن أى شىء جميل أو مضحك فى حياة المصريين يلقى محاولات مستميتة لقتله، مهما كان بسيطاً، ويقول: «تقريباً كل حاجة بتضحكنا بيطلعوها وحشة، بعد ما أصحابنا ماتوا، والثورة اتشوهت، وكل حاجة ضاعت، ما عادش فاضل غير دمية كرتونية يحاربوها، اللى يضحك شوية يتهموه بالإرهاب، زى ما يكون الضحكة بقت أخطر على الدولة من الإرهابيين». رحّب العديد من أصدقاء «أحمد» بالفكرة، لكن جمع المهتمين ما زال جاريا، ويقول «أحمد»: «لسه بنجمع عدد أكتر للوقفة، مش لازم يكون العدد ضخم، لأنها وقفة رمزية ساخرة من حال البلد اللى بتحارب الضحكة».