ما تفكرش كتير

بقلم: أميل سمير
متفكرش كتير في الدنيا ما تفكرش كتير لازم تعرف انها فانية ده مش محتاج تفكير بص لربك واحكيله ... كل اللي في قلبك وفات مين غيره هو تشكيله ... يمحي كل الزكريات اسند راسك وابكيله ... ده كل اللي فات مات قوله ربي يا عالم ضعفي ... انا بندم علي كل خطية دي دموع التوبة من قلبي... وبتمنى حياة ابدية عاوزك يا رب تساعدنى ...

في كل يوم بيمر عليا مهما كنت زانى وعاصي ... مهما كان الشر ماليك ربك يمسح كل معاصي ... ومهما بعت هو شاريك حاطط ايده علي راسي ... تملي يقولي انا دارى بيك بتمنى يا رب اسكن فيك ... وبالحياة الابدية تحيينى ومش هعيش غير ليك ... ومن حبك تسقينى مطمن انى محمي بيك ... وبيك يا ربي تقوينى بقولها يا ربي وسط الريح ... حبك يا يسوع في قلبنا ده طريقك كله مصابيح ... وبابك مفتوح لنا فعلا وبرأى صريح ... يا ربي ما يكفيك حبنا بتقولي انا مش ناسيك ... ووثوقي فيك بيقوينى لك كل شئ علشان ارضيك ... وحبك يا ربي بيروينى وتضمد جروحى بأديك ... واديك يا رب بتشفينى .