رسالة الي امي

بقلم : د/صفوت روبيل بسطا
 14-3-2005 هذا التاريخ ابدا لن انساه ما حييت -كان اصعب يوم مر علي في حياتي-يارب لا يعيده علي احد منكم الاثنين صباحا وكان اول يوم في الاربعين المقدسة استيقظت علي رنات ورسائل علي الموبايل تقول اتصل حالا من ابنة اخي في مصر ادركت ان الامر جد خطير ثواني كانها الدهر وانا اطلب الرقم حتي اتاني صوت ابنة اخي-انزل مصر حالا ياعمو -خير -فيه ايه -يابنت قولي--امك تعبانة قوي-وهي لا تريد ان تخبرني بالفاجعة حتي اتاني صوت اخي الكبير من بعيد -امك ماتت!!! مش معقول انا لسه مكلمها بالليل وكانت ضحكتها تملا المكان ودعت لي كثيرا وقالت لي نفسي اشوفك ياولدي علي الشاشة -تقصد النت-زي خالتك بتشوف ابنها قلت لها حاضر يا امي وانا كمان نفسي اشوفك-

كانت هذه اخر كلمات سمعتها من احن صوت الذي اختفي الي الابد ولكن ابدا لا يغيب عن اذني ولا عن خيالي اخذت اول طائرة وسافرت الي مصر حتي القي النظرة الاخيرة علي احن انسانة في الوجود بالنسبة لي كان نفسي اشوفها-امي ياناس ولكن عادات اهل الصعيد لم ينتظروني بالرغم من تاكيدي عليهم بالتليفون ولكني وصلت متاخر!!! دفنوا امي قبل ما اتملي منها حتي لثواني

اخوتي انا اسف اني اسرد عليكم مواقف محزنةويعلم الله اني اكتبها ودموعي تسيل بالرغم من مرور خمس سنوات كاملة علي هذه الاحداث ولكنها الام التي لا تعوض مهما ومرت السنين وحتي يتعظ كل انسان ويبر بامه في حياتهاالحاجه الوحيده اللي مريحاني ان امي كانت راضية عني يارب نياحة وراحة لامي وكل ام انتقلت يارب حافظ علي كل ام ولا تحرم ابن من امه
يا احن قلب يا امي---------يا نعمة من عند ربي رسالة حب من قلبي---------اكتبها بدموعي ودمي ارسلها من ارض الفناء-----لتصل لك الي السماء عبر اسير الهواء-----------هناك في مكان البقاء فين صوتك اللي قالي ------اسم الله عليك يا ولدي فين قلبك اللي حملني----وفين حضنك اللي شالني كل طوبة تعثر فيها---------تكون رزق ترجع بيها وحارة سد تلاقيها------------ادعيلك ربنا يعديها فين الكلمات دية---------------كلها بساطة وغنية معاني حب وحنية--------------من قلب كله تقية امي-وحشتيني قوي ووحشني صوتك الحنون ودعواتك لي امي -

كيف مرت سنين وانا لا اسمع صوتك اللي كان بلسم لي امي -استعجلتي قوي كان لسة بدري امي -رحلتي وانا في غربتي من غير ما ادري امي -كان نفسي اريحك شوية بعد شقي طول السنين امي -كان نفسي تيجي هنا عندنا ننسيك شوية الانين امي -كان نفسي اضع راسي علي حجرك ولو دقيقتين امي -كان نفسي احكي معاكي وافضفضلك كتير امي- كان نفسي في حاجات انا حاسس بالتقصير امي -كان نفسي اشوفك كان نفسي اشوفك قبل الرحيل امي بالرغم انه صعب كان نفسي اكون جنبك وقت الرحيل امي اتحرمت من رؤياك وحرموني ومن وداعكيوم الرحيل امي اتحرمنا من اغلي كلمة نطقناها ياامي امي اتحرمنا منك من حنانك و دعواتك يا امي امي -استريحتي بعد طول عناء امي -استريحتي بعد طول شقاء امي -ابكيك حتي اللقاء امي -هنيئا لك السماء اذكريني عند الملك المسيح