مصر رايحة لجهنم

الراسل: نانا
في أول يوم لبرنامج د.لميس (من قلب مصر) سألت سؤال كدا كان غريب على أذن البعض: "هي مصر رايحه فين؟" اسمحوا لي أن اقتبس ذلك السؤال وأقول: "مصر رايحه لجهنم يا لميس "..

لما تبقى بلد الأمن والأمان فيها الهمج اللب بيحصل دا يبقي إيه رأيك؟
 
لما بناتنا يتخطفوا ويُعتدى عليهم ويغيروا دينهم بالقوى في بعض الحالات تبقى رايحة فين؟
 
لما شباب زي الفل يتقتل في ليلة عيد ويتحول العيد لحزن شديد تبقى رايحة فين؟
 
لما الغش يبقى شيء مباح والمبيدات والحمير تتباع على إنها لحوم ولما الغلبان ينام من غير أكل تبقى مصر رايحة فين؟

لما الظباط ميبقوش أحرار زي زماااان ويبقى بس ما بينهم البلطجة واسالوا أقسام اسكندرية وأي قسم جنب البيت تبقي مصر رايحة فين؟
 
لما حفيد الريس يموت موتة طبيعية تقوم البلد ومتقعدش ولما خالد يتقتل على أيدي مخبرين والكشح وولاد نجع حمادى يبقى عادي حادث فردي تبقى مصر رايحة فين؟
 
لما وزارة الداخلية تطلع بيان زي اللى طلع ويبقى كله كذب وافترا يبقى مصر رايحة في داهية.. عرفتوا مصر رايحة فين؟؟ ولا نقول كمان؟!!!!

على موضوع: الدور القادم في انتهاكات الشرطة هل ترى ذاتك ضحيته؟