من الآخر كده

الراسل: قبطي أرثوذوكسي
علشان نريح نفسنا، ونجيب من الاّخر...فيه لائحة..مافيش لائحة..إخوانا من الإنجيليين أو الروم الأرثوذوكس، أو حتي الكاثوليك، ومع احترامنا الشديد لهم..يُوافقوا أو لايوافقوا...الكنيسة القبطية الأرثوذوكسية لن تسمح للزواج الثاني الإ لعلة الزنا...مهما كانت الإعتراضات وتفسيرات إخوانا البروتستانت..هذا لن يجدي بشيء..حتي ولو صدرت أحكام ضد البابا..لن يُنفذ أيًا منها..سواء في حياة البابا "شنودة"- ربنا يطول عمره ويخليه لينا..أو في حياة من يخلفه..فسيظل موقف الكنيسة ثابتًا لن يتزعزع...

وعاوز أقول لإخوانا البروتستانت: أوعوا تنسوا إن الأقباط الأرثوذوكس هم أبناء الشهداء..ملايين من الشهداء من أول القديس مار "مرقص" في القرن الأول من ميلاد المسيح، وحتي شهداء نجع حمادي في القرن الواحد والعشرين..عارفين الأرض اللي أنتم ماشيين عليها مروية بدماء أجدادنا الشهداء...يعني لازم تعرفوا إن كل قبطي أرثوذوكسي روحه في الإستشهاد من أجل المسيح والإنجيل والعقيدة...

لاتقلقوا ياأحبائي، مافيش قوة علي الأرض مهما كانت المؤامرات تستطيع أن تزعزعنا في عقيدتنا...ونصيحتي لإخوانا البروتستانت: خلي تفاسيركم للإنجيل لنفسكم، وأنتم أحرار..أن شالله يبقي زوجة تالتة ولا رابعة..أنتم أحرار..ولكن بعيد عنا..ومافيش داعي للتطاول سواء علي الكنيسة، أو قداسة البابا..
وبعدين يلّا شدوا حيلكم، وتشوفوا اللي عندهم مشاكل في الزواج التاني وجوزوهم عندكم بالهنا والشفا..وياريت ترجعوا لتاريخ كنيستنا علشان أنتم نسيتم.

على موضوع : خلافات لا حدود لها بين الطوائف على قانون الأحوال الموحد للمسيحيين