أبونا متاؤس

بقلم: دميانة أقلاديوس
أبونا متاؤس ياحبيب وابن المسيـح..
قلبى علشانك تعبــــان جريـح..
اتغدر بيك وسُبيت زي الحمل الذبيح..

خلاص فاض بيّ وضاع مني الكلام..
وقلبى بينزف من الوجـع ويا الآلام..
وأكيد في يوم هتتحقق كل الأحـلام..

من هـدم وسجن وقتـل وتعذيب..
أعرف إنك رسالة قويـة للحبيب..
مهما شمس الحق تغيـب وتغيب..
هنهتف ليك رافعين راية الصليب..

بصلي ليك ليل ويا النهـــار..
وشمس البـر هتشرق يا بـار..
دا إلهنا حي وهو أحسن اختيار..
بتتعذب والكل بيتفرج فرحــان فيك..
لكن اعرف أن الرب هو اللي حاميك..
دايماً وعده يا بني أنا عيني عليــك..

تقوى وشدد من قوتك وعزمك..
دا إلهك بالفعل ضحى وحبـك..
وفي يوم راح ياخد حقي وحقك..

دا كلمة الحق قوية ومسنونـة..
في قلب الغدر راسخة مكنونة..
خانتك وطالتك إيد الغدر والغادرين..
وانت كنت مسالم وطيب وأميــن..
ودي صفة إلهك إنه دايماً أميــن..

لا لا تفقـد يا أبتـي شعاع الأمــل..
دا إلهك يحملك على كتفيه مثل الحمل..
ما انت ابـن المــلك منــذ الأزل..

أبتي..
الدمـوع انهالـت مـن عيني زي المطـر..
والنار تحرق في قلبي ومش حاسس بيه القدر..
نفسى آجي أحررك من سجنك قدام كل البشر..