خنزير يشكو

الراسل: نونو
آه يانا يا غلبان يانا... آه يا نا يا مظلوم يانا... طول عمري عايش متمطع... جوه الزبالة بأبرتع... لا أذيت حد مرة... ولا صوتي اتسمع بالمرة... عايش مع الزبال أحباب... بيننا تبادل منفعة وحساب... بأكل له من الزبالة وأنا شاكر... والباقي ياخده هو ويتاجر... بلاستيك على ورق على خشب... كله بينفع شوفته العجب!!
صحيح أنا اكلي من الزبالة... لكن لحمي أخر طعامة!!!!... وليه قال إيه فوايد طبية... مع أن عيشتي جوه ملوثات مرضية!! عجيب أمري مش كدة... اعمل إيه بلدتكم اللي عملت فيَّ كدة...
كان يجرى إيه يا حكومة لو من الأول ربتيني في مزارع نظيفة ومحكومة... هو ذنبي إن فيه ناس بتجرسني!!!... لكن تقولوا إيه دي حكمة ربنا هو اللي خلقني... اعترضوا بقى.. وموتوني... قال إيه أنفلونزا!!
يا ناس ارحموني... طيب هو البني آدم اللي عنده المرض هيعدموه!!.... واللا جات ع الغلبان اللي هتذلوه ومن الوجود هتمحوه... ومن الدنيا هتحرموه!!
أحسن بردو لو دي دنيتكم أنا مش عاوزها... الموت أكرم لي عنها... يا ريتني أتخلقت في بلد تانية... مع ناس عندهم شوية مفهومية... ناس بتقدر الحيوان زي الإنسان.... ناس عندها ضمير وإنسانية... يا ريتكوا بقى تترحموا عليَّ.... يا شعب المصراوية!!
على موضوع: الخنزير وفضله على البشر