طباعة
الصفحة |
 |
نشأت عدلي
لــيـه يـــا شـــمــعــــة لما تنوري يبقى كلك دموع
زي القــــلــوب الـــطـيـبـة لما تنجرح وتــــــهون
العيون لما تفرح أو تحزن تمــلأهـا الدمـــــــــوع
والقــــلوب لـمـــا تنجرح تجـــــرح الــعـيـــــون
لما يســـافـــــــــروا الصحاب بدون رجـــــــــوع
لمـــــــــا نغيب عن الأحبة بقــدر مــزعـــــــون
أو يجي طيفــــــه بخيالك وتحـس بالأمـــــــــــان
لما تسمـــــــع صوته زى أجمــل الألحــــــــــان
أو يجي في حلــــــم ويخلي قلبــك فرحــــــــــان
ولو إنشغـل عــنــك تـفـضـل اللـــيـل سهـــــران
وتلعب بيك الأفــكار وتبقى قاعد حـيـــــــــــران
وإن سمعت إنه مـتـضـايق أو حتى زعـــــــــلان
يهجـــــــرك النوم وتبـــقى الليل كله قـــلــقــــان
تتمنى تقدمـــــله قلـبـك عــــلى طــبق الــحنـــان
تـقــدم أحـــلى وردة لأرق وأحـــــــن إنـســـان
تلم الشوك بإيديك وتبقى خطوتـــه في أمــــــان
أنجرح عشانه... بس يــــــكـــون دايمــاًَ فرحان
وأتعذب قـــــــــوي لو شفت على خــده دموع
أو خدْ على خـــــــاطره مني لحظـــة شجـــون
أنكوي في لحظــــــــــة زعله ليتني ما أكــــون
أبص للشمعة ودمــــوعها نــازلة بشــــــجــون
وأفتكر قلب دمعته تـــكوي الخــــــــــد الحنون
ويطلع الكلام بأهة قـلب في الحـزن مدفـــون
نوري يا شمعة بس من فضلك من غير دمــوع
بس إزاي!! مش ممكن أنوّر إلا وسط الدمــوع
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
http://www.copts-united.com/article.php?A=105&I=3