طباعة الصفحة

الجدار إتهدم يا إنسان..!!

صفوت مجدي

بقلم: صفوت مجدي الجديد
كان ..
كان عايش أحلى عيشة ..
جنة و صحبة لذيذة ..
ليل و نهار بيكلم فيه ..
زي الصحاب مفيش فواصل !!
أب و ابنه أصل و صورته .
مكنش ناقصه حاجه كل الارض تحت سلطانه
احلى عيشة مفيش بعد كده كلام !
و في يوم سمع لصوت تاني
لحد تاني ..
قال إيه ده مش بيحبك !
قال إيه . ليه حارمك من كذا و كذا .؟؟
ليه ماتكونش زيه . ؟؟ عارف الخير و الشر
و صاحبنا وقع في الفخ . شرب السم
و بيده بنى الجدار
و بيده عشق المرار و الوحدة .. و الوحدة زي النار !!
بتجري جوا عروقه ملهاش قرار !!!
هتعمل إيه يا إنسان ورا الاسوار اللي بنيتها
هتصلي . لمين . ؟ للجدار
هتصوم علشان تثور على أخوك و تقتله ؟!
هتعمل إيه و جواك شوق عايز ترضيه ؟!
ما تفكر شوية إزاي ينهدم الجدار ؟؟؟
عمره ما ينهدم بأعمالك و طقوسك .( تكوين 3 :7 -10 )
الجدار اتهدم انهزم في الصليب
و من يومها .. لينا حق الدخول
لأب فاتح أحضانه حنون ..
دلوقتي ليك الاختيار بعدما الجدار انهار ( أفسس 11:2-16(.
واصبح رديم ..
تحب ترجع للرحيم .
إنت حر ؟؟
**" هوذا الأن وقت مقبول . هوذا الأن وقت يوم خلاص " ( 2كورنثوس 2:6 )

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع

http://www.copts-united.com/article.php?A=10816&I=281