طباعة الصفحة

بلد العجائب

أنور عصمت السادات

بقلم: أنور عصمت السادات
معقول ياناس يصل بنا الحال إن حكومتنا الغير رشيدة توصل مياه النيل إلى منطقة غرب الدلتا " طريق مصر إسكندرية الصحراوى والنوبارية ومدينة السادات"  بتكلفة 2 مليار جنيه يتم تمويلها من البنك الدولى وبضمان الخزانة المصرية وسيتحملها لاحقاً القطاع الخاص الزراعى الذى سوف يستفيد من هذا المشروع.ابقى قابلنى لو سددوا.

المسألة مش بالسهولة دى ياحكومة. مياه الرى هتروح هدر لكى يستفيد أصحاب السلطة والنفوذ والمقربين من النظام وأجهزته واللى حصلوا على آلاف الأفدنة بأسعار 200 جنيه للفدان لإستصلاحها وريها بمعرفتهم بنظام حديث وموفرثم تحولت إلى منتجعات سياحية وفيلات وبحيرات صناعية على جانبى طريق مصر إسكندرية الصحراوى.

حكومتنا لو بتفكرى بعقل أو يمكن بتفكرى بعقل وعارفة كل حاجة لكن الناس المحرومة من المياه خارج حساباتك وإهتماماتك.
هو برده مش الأولوية توصيل المياه إلى المناطق المحرومة من مياه الشرب وملايين الناس اللى بيعانوا من العطش والمناطق الزراعية اللى بنرويها بمياه الصرف الصحى . ولا الكلام ده غلط ,,,,, حرام عليكم حتى المياه,,,, كل اللى بتعملوه فى الشعب ده ليه.

وكيل مؤسسي حزب الاصلا ح والتنمية
info@el-sadat.org

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع

http://www.copts-united.com/article.php?A=13058&I=332