طباعة الصفحة

عجبي

ميرفت عياد

بقلم : ميرفت عياد
يا ابني أنا اتعلمت في زمن رخيص 
يادوب تمن الكتب والكراريس   
لكن علامك عرى لحمي وياريت نهايتك 
ماتقعد جنبي عاطل تعيس    
عجبي !

ماتيأس يا ابني من آمالك المحبطة   
ولا تحزن على أحلامك الملخبطة
واياك في يوم تقول ياريتني كنت غبي
وألواني زى الحمار مخططة 
عجبي!

جايين تحتفلوا بعيد ميلادى 
وبتقولوا ده أجمل أعيادى  
مش عارفيين ان كل يوم بيمر  
بيقربنى أكتر من يوم لحادى
عجبي!

كل حاجة فيك يا بلد بتتباع بالتقسيط
علشان يشتريها الفقير البسيط
مش عارف إن الأسعار اتضاعفت
وبيتمص دمه بالتنقيط   
عجبي!

مهم قوى الأنفاق والجسور 
وإصدار قوانين لتنظيم المرور  
بس الأهم نصلح الطرق اللي بسببها  
بتتفتح آلاف القبور 
عجبي!

 

http://www.copts-united.com/article.php?A=15735&I=392