أثنين من الأقباط المختطفين بليبيا لأقاربهم: إحنا عايشين في رعب وبعتنا "فاكس "للخارجية المصرية بأسماء 100 مسيحي ومحدش سأل فينا

قال نسيم غالي ابن عم صاموئيل وبيشوي اسطفانوس كامل من بين ال 13 مسيحي الذين تم اختطافهم في ليبيا من مقر سكنهم بمدينة سرت الليبية على يد مسلحين أن صاموئيل وبيشوي قررا السفر الى ليبيا لكي ينفقا على الأسرة ويستطيعا الزواج وتكوين أسرة  هما الآخرين، ونظرا لعدم وجود عمل هنا قررا السفر الى ليبيا، وهما سافرا بتأشيرات وأوراق رسمية وافقت عليها الدولتين المصرية والليبية.
 

واضاف أن اخر مكالمة تلقتها اسرتيهما كانت في العاشرة مساء قبل يوم واحد من اختطافهم، حيث قالا الشابان أنهما يستعدان للعودة غداً الاحد، وكمان أحنا مش بننزل من البيت منذ اختطاف ال 7 مسيحيين اللي فاتوا، وعايشين دايما في رعب وفزع، وبعتنا فاكس لوزارة الخارجية فيه  100 اسم مسيحي ابلغناهم اننا عايزين ننزل مصر، ومحدش سأل فينا.

 

وانا باقول للمسؤولين في مصر احنا حقوقنا فين ، راعوا ربنا فينا ، احنا فلاحين عاجزين مفيش في أيدينا حاجة  ، ولو الدولة بتقول محدش يسافر ، طيب ليه الدولة فتحت التأشيرات وبتوافق على أوراق السفر.
 

احنا هنا ناشدنا السفارة من فترة وبعد ما تم اختطاف السبعة قبل ايام بالتدخل وعودة ذوينا لمصر ، الشباب دي مش ذنبها انه مفيش عمل في مصر دول طالعين يدوروا على لقمة عيش.
 

واضاف بعد علمنا بخبر اختطافهما و11 اخرين من القرية ابلغنا هنا جميع الجهات الامنية المسؤولة ونائب اسقف كنيسة سمالوط.