طباعة الصفحة

في لحظة في طرفة عين ناس قاعدة و ناس واقفين

د. صموئيل فكري

بقلم : صمويل طلعت فكري
في لحظة في طرفة عين   ناس قاعدة و ناس واقفين
ناس صاحية و ناس نايمين  ناس فرحانة و ناس ف أنين
ناس فاترة و ناس جاهزين   وياترى أنت م المستعدين ؟!

هاييجي اللي وعد هو أمين  هياخد كنيسته و المفديين
وياويل اللي رفضوه و المفتريين  و اللي سمعوا رسالته و قالوا بعدين
ده العمر مش مضمون غير فيه  و ياترى أنا رايح فين ؟!
 
أنا اتي سريعا يا مؤمنين   يمكن بعد دقيقة أو حتى يومين
بتأنى مش بتباطأ على وعدي بشروا و اكرزوا للعالم أجمعين
استعدوا لمجيئي ع الأبواب  وياترى عايشين ليا و بسلكوا شاهدين ؟!
 
قرب ييجي عريسنا الغالي  هايريح بالنا و يشيل الأنين
هايفدي أجسادنا و يحقق أمالنا   ويمسح كل دموع العين
طالت غربتنا و مشتاقالك نفوسنا  وياترى أنت م المشتاقين ؟!
 
هايخطفنا زي لص ف الليل   و هانقبله على السحاب
هانكون معاه علطول   ويمحي كل صعاب
هانمجده و نسبحه للأبد  ده نشلنا من العقاب
 
تعالى ياربي اشتقنالك   واشياقك لينا اكبر بكتير
ده احنا عروسك الغالي  و انت نصيبنا الوحيد و الخير
مالناش غيرك مستنيينك  يالها من لحظة و تاخدنا يا قدير!
 
وانت يا خاطي يا مسكين   شايف خايف قلقان و حزين
مش ضامن بكرة رايح فين كلك خطايا و مليان أنين
يسوع يقدر يخلصك الأن   اصرخله و قله ارحمني يا معين
 
هاتضمن الأبدية ف المجد معاه  هاتعيش معاه علطول ف سماه
هاتملك معاه يابختك يا هناك     بس عيشله باقي العمر ف رضاه
هو خلاص جاي ع الأبواب      استعد  للقاء  أعظم  الله

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع

http://www.copts-united.com/article.php?A=18552&I=460