طباعة
الصفحة |
 |
بقلم: مينا باسيليوس
في بداية ألفية جديدة.. سمعت صوت رصاص وهجـوم
صراخ.. نواح .. عويل.. حزن وألم وهموم
دخلوا كل بيوت الكشح.. بعد القداس والصـلاة والصوم
وناس بتجري وعقولها تايهة.. كأن الموت حواليها يحوم
إيه الحكاية ياجماعة؟؟ قولولي إيه مش مفهوم؟؟
وألاقي الدم ع الأرض مسفوك.. دم طاهر برئ مظلوم
وأجساد الشهداء مرميّة.. في جو كله مطر وغيوم
ودخان ونار قايدة.. في أماكن كثيرة بالكوم
والقلوب ملأها الخوف والرعب.. والعيون هجرها النوم
والأهالي تصرخ وتقول: طعـنتوا قلوبنا بخنجر مسموم
وإزاي كل ده يحصل.. ما بين أمس واليوم؟؟
ومنهم اللي أمس كلمني.. النهاردة قد صار مرحوم
ياقُساة يا معدومي الرحمة.. ياللي قلبكم من الخير محروم
تقتلوا وتحرقوا آدميين.. لتمسكهم بدين الفادي الرحوم!!
ومع ذلك ضحوا بأرواحهم.. واختاروا النصيب الذي يدوم.
ولسان حالهم يهلل ويقول: "مع المسيح هذا ما أروم
http://www.copts-united.com/article.php?A=19807&I=490