طباعة الصفحة

مصر ياللى هناك

الراسل : سامح جميل
مصر ياللي هناك...مملكش شىء ليكى
دا القبطى...بكى ليكى وعليكى
لو كفى فيه مليم...أنا كنت أديكى
حتى قميصى قديم...مش راح يغطيكى
مصر ياللي هناك...مملكش شىء ليكى
دا القبطى...بكى ليكى وعليكى
دى قبطية...اتخطفت وتاهت فى حواريكى
ودى قبطية...أُغتصبت والذنب مش فيكى
وده قبطى...قتلوه فى عيده ودمه سال فوق أراضيك
مصر يلي هناك....مملكش شىء ليكى
دا القبطى...بكى ليكى وعليكى
وده قبطى...اضطهدوه فمشى، ومش راجع تانى ليكى
وقبطى تانى مسك القلم رفع العلم...فحبسوا الحلم اللى ينور نهارك ولياليكى
مصر ياللي هناك...مملكش شىء ليكى
دا القبطى...بكى ليكى وعليكى
واصلى فين...وكنيستى ممنوعة فوق أراضيكى
وده دينى أشيله أنا فى عينى...وده ترابك أحميه بدمى وإلهى ما يكفيكى
ومن ربى مبارك شعبي مصر...ومن قلبى ده عتابى ليكى
مصر ياللي هناك...مملكش شىء ليكى
دا القبطى...بكى ليكى وعليكى

على موضوع
دماء شهداء "نجع حمادي" مازالت تصرخ إلى الله

http://www.copts-united.com/article.php?A=22690&I=567