طباعة الصفحة

يا أحلى إله

زهير دعيم

بقلم: زهير دعيم
خُذني بِحنانَكْ
فوق كلّ الغيومْ
عيِّشني بدلالك
ونسِّيني الهمومْ
حياتي من غيرك
آهات وسموم

طيّرني عَ جْناحك
فوق كلّ الجبالْ
ازرعني بتلالك
حقيقة مش خيالْ
وغنّيني قصيدة
عتابا وموّال

احملني عَ كْتافك
لَ برِّ الأمان
خبّيني بجْراحك
من غدر الزّمان
أنت الرّاعي الصّالح
والكلمة الّلي كان

أنا محمّي بسلاحك
يا ربّ الحياة
أنا عايش أفراحك
يا أحلى إله
يسوع ربّي وحده
وحده لا سِواه

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع

http://www.copts-united.com/article.php?A=2593&I=71