طباعة الصفحة

كفاية

دميانة إقلاديوس

بقلم: دميانة أقلاديوس
كفاية حرام عيشتيني في حالة دايمة من الشجن
وبتساوميني بالزيف والزور اللي حبيبي بيه اتسجن
لأمتى هتفضلي ماشية ورا الشعوذة والتخاريف والدجل؟
 وعينى عينك شلتى من وشك الحياء و الخجل ....
انكشفتي يا حلوة وبانت كل ألاعيبك
ما أنا عرفك من زمان وعارف أهو عيبك
أوعي تفتكري إني هسكت وهاطاطي وباقتراحك راح هييص
لا يا حلوة دة أنا
اللي مليت الصبر والاحتمال لما فاض في الفناطيس
أوعي تفتكري أني هرفع الراية ولا هسلم ولا أبيع أحبابي
دة هم روحي وقلبي وكياني وعاملين في الحياة حسابي
أنا عارف
إن الحياة طريق مليان بالأشواك أطرافه زي الإبر
مشينا عليه لما دميت رجلينا منذ الصغر
على أرض الظلم الجبروت والقسوة والغدر
وناس بتموت من الجوع وبتدبح من المسا للفجر
لكن هقول إيه للظالم
الظالم كائن اتحذفت من قاموسه مشاعر الإنسانية
وتناقشت معاه معاني الحب والرحمة والحنية
رجعت صدى صوت مدبوح من القهر والسخرية
مدبوح بينزف وبيقدم روحه وحياته للحق أفضل هدية
نبرة مدبوحة لكن مُصرة أنها تمارس الخير والحب والحرية

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع

http://www.copts-united.com/article.php?A=2882&I=78