طباعة
الصفحة |
 |
د. صموئيل فكري
بقلم: صمويل طلعت فكري
ياللي بتدي سلام ف الازمة
ياللي بتنور ف العتمة
ياللي بتشفي بنظرة و كلمة
مد ايدك و احميني
ياللي برحمتك شاملني
و بحبك دايما تعاملني
و لما بضعف بتجملني
قدسني و قويني
ياللي جيتني و فديتني
و بموتك انت احييتني
و قمت و بررتني و نسيتني
كل ماضيا و انيني
ياللي عظمتك مالها حدود
وبتعديني فوق السدود
حي قدير و بالخير بتجود
حاضر في حياتي و معيني
ياللي سلامك مش اوهام
ولا وعود ضايعة و كلام
لكن ده موجود و حقيقي
فوق كل ظروفي تعديني
ياللي بتغفر كل ذنوبي
متحملني بكل عيوبي
رغم اني بارجع و اعصيك
لكن بتعود و تعفيني
انت عظيم و مالكش حدود
انت قدير حي و موجود
واثق فيك و رجايا فيك
ياحاميني اتكالي عليك
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
http://www.copts-united.com/article.php?A=33559&I=755