طباعة
الصفحة |
 |
الشروق
على طريقته، قرر شعبان عبدالرحيم أن يخوض غمار معركة الرئاسة المقبلة، بأغنية تحدد ملامح الدستور الجديد الذى يسميه «دستور الشعب» وهو عنوان الأغنية التى كتب كلماتها الشاعر الغنائى إسلام خليل، الذى يصف كلماته بأنها «تحذير موجه من الشعب المصرى للرئيس القادم.
تقول كلمات الأغنية:الناس عاملين دستور للريس الجديد
حوالى ست سطور وفيه تحذير شديد
لو عايز تبقى ريس من أول الطلبات
يا تبقى رئيس كويس يا تحصل اللى فات
أول مادة قدامى لازم وبكل حصر
ميكونش رئيس حرامى ولا يظلم شعب مصر
الماده التانيه جوه ميكونش ديكتاتور
مش كل حاجه هوه لازم يبقىلنا دور
ده مش دستور كراسى لا ده إحنا تعبنا فيه
والعدل ماده أساسى لازم يحكمنا بيه
والماده التالته بتقول لا الشعب فى يوم يتهان
ومفيش جبروت ونفوذ والكل يعيش فى أمان
الماده الرابعه الريس يخلى الناس فى باله
لا مراته تتحكم فيهم ولا عيل من عياله
الماده الخامسه والسادسه عايزين حكم بضمير
الكل ياخد حقه صغير أو كبير
دستور الكل حالفه وأيد التغيير
وأى رئيس يخالفه هنقفله فى التحرير
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
http://www.copts-united.com/article.php?A=35963&I=797