طباعة
الصفحة |
 |
عماد توماس
كتب: عماد توماس - خاص الأقباط متحدون
بعد أن تعرضت أغنية "المسيح مش في الكنايس" للشاب فادي ألفي -27 عام- مُؤلف ومُلحن ومُؤدى الأغنية، لردود فعل متباينة بين مؤيد ومعارض من قراء "الأقباط متحدون".
قام فادي ألفي بتوضيح وجهة نظرة ردًا على الانتقادات التي تعرضت لها الأغنية، بكلمات أغنية جديدة بعنوان "المسيح مش في الكنايس لأنه إله ساكن جوانا".
ركز فادي في أغنيته الجديدة على أهمية خروج "المؤمنين" إلى العالم لتغييره، وأكد أن دعوته ليست للخروج من الكنيسة ورفض الطوائف ومهاجمة عقائد الآخرين لكن دعوته قبول الآخر المختلف حتى تظهر محبة المسيح لهم ويظهر المؤمنين كملح للأرض ونور للعالم.
وأوضح فادي أن المسيحيين لو عاشوا فقط في كنائسهم وأغلقوا أبوابها عليهم سيضيع "العالم" من حولهم حتى يأتي الدور عليهم.
كلمات الأغنية تقول:
المسيح مش في الكنايس لأنه إله ساكن جوانا
وواجبنا نجرج للعالم ويخرج هو كمان ويانا
وتشوف الناس فينا مسيحنا ونشهد عنه شهادة عظيمة
ونغير بحايتنا العالم وساعتها هايكون ليها قيمة
دي مش دعوة نسيب كنايسنا ونهجرها ونرفض طوايفها
ولا نهاجم أي عقيدة ولغتها أو شكل طقوسها
دى دعوة اننا نقبل غيرنا المختلفين عنا وبعيوبهم
ويظهر فينا بجد مسيحنا ومحبتنا توصله لقلوبهم
****
جسد المسيح خلاص اتفرق دي حقيقة طب ليه ننكرها
أصبحنا طوايف مختلفة وكل كنيسة تغلط غيرها
وده واقع مُر وشايفينه وبنعيشه في كنايسنا كتير
ياللا نقوم ونهد حيطانا وبمحبة نبدأ تغيير
****
مش صح إن يسوع مش ساكن في كنيسته ومش في الأسرار
ولا صح إنه يعيش في كنيسته والعالم حواليه بينهار
إحنا الملح ونور العالم والعالم محتاج للنور
العالم عمره ما هايشوفنا لو كنايسنا بقى ليها سور
لو عايشين بس لمشاكلنا والنقض في أساليب اخوتنا
والناس بالملايين بتموت ولسه بنصيع أوقاتنا
في رصد عيوب غيرنا وأخطاءهم والنميمة والكلام
ونصلب من تاني المسيح بالتحزب والخصام
الناس فعلاً محتاجة لينا ووجودنا هايفرق في حياتهم
ولو بمحبة نحس همومهم، بقلب مسيحنا نحس آهاتهم
ونقبلهم وبحب حقيقى برغم عيوبهم واختلافاتهم
دي محبتنا تهد جبال وإختلافاتنا تهد حياتهم
****
المسيح ساكن في قلوبنا وكنايسنا وكل مكان
مش بتحده مبانى كنايس ولا عايش حواليه جدران
بيصنع خير للعالم بينا، هدفه خلاص نفس الإنسان
مش هدفه يوسع في مباني ويعلي فى أسوار وحيطان
****
مش بتمرد على أصل كنيستي وطقوسها وألحانها
ولا بهاجمها وبقول هدوها مابقاش ده زمانها
لكن لو عشنا في كنايسنا وقفلنا بيبننا
العالم هايضيع حوالينا وها ييجى يوم دورنا
****
دى الفكرة اتقالت واضحة ومش محتاجة توضيح
أنا قلت حقيقة وبكل صراحة ومن غير تلميح
للي قابلها ياللا نقوم نبدأ نتحرك
دى الناس محتاجة لمسيحنا يصنع بينا تغيير
****
يمكن يتقال الرب يباركك أو يتقال ده كلام إبليس
انت صحيح مش فاهم حاجة وكلامك تهريج رخيص
حركات بتهاجم كنايسنا وبتدعو للطائفية
أساليب واضحة خلاص حافظينها بتهاجم كنايسنا القبطية
****
اللي شايفها دي فكرة.. ومافهمش المقصود بيها إيه
باقوله ماتهتمش بكلامي وفي الشارع تقدر ترميه
وتدي الفرصة لغيرك ياخده من الشارع ويفكر فيه
يمكن تفكيرنا فى يوم يتغير ويغير الناس حواليه
الكلمات من أداء وتلحين وتأليف الشاب فادي ألفي
لقراءة تقرير المسيح مش في الكنايٍس:انقر هنا
للاستماع: انقر هنا
http://www.copts-united.com/article.php?A=9450&I=250