طباعة الصفحة

نفسي أعيش

نشأت عدلي

بقلم: نشأت عدلي
مـن فـضلك يا بلد أنا عــايز أعــيش
مش عايز منك حسنة ولا بـقشيش
دانـا عـايــز جـواكي أربـي ولادي
من غير مهانة وذل يا حــــبـابي
عايزين لقمة عيش عشان تكـــفينا
ويا دوب حتة دروه عشان تدفـــينا
عايز اشتغل فيكي وأتعب بــعرق
أضمن مستقبل ولادي بــدون قـلق
مـمكن دة يـكـون فــيك يا وطـن؟
ولا أنت خــــلاص صابك العفـن
بقِــيـت لناس على حساب نــاس
ومش مـهـم لـو الباقي انـداس
دموعي سـيل عليكي يا بلــد
هربوا منك كل جـــدعان الــبلد
خـدوا حقهم في بـــــلاد غريبة
عشان جـــواكي اتنســــوا!! عجيبة
أمتى هتفـــوقي بقى يا بـــلد وتفهمي
بالكذب والـظلم عمـرك مـا هـتكبري
خلي ولادك في حضنك وماتفرقيش
يكــــبروا بيـــكي عـــشان متندميش
خدي حـــــق الضعيف وأنصفيه
مش تمــــــوتيه وتبعتي اللي يصفيه
الـــــكشح وإسنا ومعاهـــم الزيتون
طبعاً عـــملها واحد مختل ومجنون
نفسي أعيش فيكي وجـــوايَّ الأمان
لكن كل اللي قاعــــد فيكي قــلقان
ممكن يكون الأمل في بكره جواكي
ولو عشت بعيد برضه حلمي معاكي

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع

http://www.copts-united.com/article.php?A=961&I=27