الشاب المصفوع من "محمد رمضان" يعلق على اعتذار الفنان له (فيديو)

وقال كريم شلبي في مقطع فيديو له: "شكرا لكل واحد وقف معايا ودافع عني، وأنا أما اتكلمت اعترفت بخطأي لأن الاعتراف بالحق فضيلة وأنا لما روحت قالولي تعمل محضر قولتلهم لا".

 

وأضاف شلبي :"أنا مطلعتش اتكلم في ولا قناة أو فيديو علشان أنا مش زي ما بتقولوا طالع اركب ترند، الحمد لله أنا شبعان من حب الناس وعيني مليانة من صغري والواحد طالع علشان يتبسط مش فارقة قرية مراسي من قرية اللوتس".

 

وقال شلبي لـ محمد رمضان: "اعتذارك طبعا على راسي من فوق، بس فيه ناس بتتولد صغيرة وبتكبر، وفيه ناس بتتولد صغيرة وبتفضل صغيرة مش هتكلم في حوار إنك طيرت الكاب والنضارة، بس أبقى تقل أيدك شوية".

 

وأضاف: "وإذا كانت أيدي الشمال نموسة فأيدي اليمين مرزبة، ولما روحت مكتب الأمن وأنت واخد مني التليفون قولتلهم العفو عند المقدرة زي ما النبي قال، وفي الآخر لو حد طالع من الحوار ده مرضي فهو أنا".