فيديو .. شهيرة فؤاد : المرأة كائن مقاتل وليست مكسور الجناح كما تزعم الاسطورة .. لا تعرف البكاء على اللبن المسكوب وتدير منزلها في ظل ظروف صعبة
محرر الأقباط متحدون
٣٥:
٠٨
م +03:00 EEST
الاربعاء ٢٨ اغسطس ٢٠٢٤
كتب - محرر الاقباط متحدون
قالت الإعلامية شهيرة فؤاد :" البكاء على اللبن المسكوب منهج يتبعه كل البشر في كثير من الاحيان.
وأضافت فؤاد خلال تقديم برنامج (مساء الخير) المُذاع عبر قناة "مي سات" القبطية الارثوذكسية :" وهو ما يؤدي الى استهلاك ارواحنا ، كما تستنزف طاقاتنا .
وتابعت :" يأخذ من حياتنا بالمعنى الحرفي ومن ايامنا.
موضحة :"شيء حدث في الماضي، والإنسان لا يتقبله، وهو ما يتسبب في خراب حاضره بالتفكير في ما حدث ، انه ما يلقي بظلاله على المستقبل.
كما اوضحت :" عدم البكاء على اللبن المسكوب موضوع محتاج من الانسان ثقة بالنفس، وإيمان، قوة شخصیة ، إصرار ، إرادة ، رؤية ثاقبة للمستقبل.
وتابعت :" علشان حكاية ليه كده ليه كده ليه كدة دي مش هتتغير.
موضحة :" قد تقول انك تقوم بعملك على اكمل وجه ورغم ذلك تحصل على تقدير اقل فلماذا هذا يحدث لي ، وان الانسان الامين لا يحصل على حقه عكس الفهلوي والحلانجي .
وتابعت :" فبيقول ليه كده ليه بيحصل معايا كده ليه حظي كده اي كده من دي مش هتتغير باللي بتعمله .
لافتة :" كل اللي هيحصل زي ما قلت ان الحاضر بيبوظ وبيرمي بظلاله على المستقبل.
وأشارت الى ان المرأة كائن مقاتل، لافتة الى ان ذلك ليس تحيزا للمرأة .
واضافت :" الاسطورة بتاعة ان المرأة كائن مكسور الجناح دي اسطورة مافيش حاجه اسمها كده.
مشددة :" المرأة كائن مقاتل وعندها حلول لكل شيء، دايما بتفكر وتجد الحلول.
كما اضافت :" الست اللي تقدر تدير بيتها في ظل ظروف صعبة بل مستحيلة شخصية مقاتلة وزي ما بيقولوا المرأة متعددة المهام.
موضحة :" المرأة تقدر تعمل حاجات كتيرة جدا في نفس الوقت بنفس الكفاءة، كما صرحت :"
ده غير انها سيدة التفاصيل المرأة دايما عندها تفاصيل كتيرة محافظة عليها .
دماغها تعرف تفكر فيها مع بعض تفصيلة صغيرة تفصيلة كبيره مهمة تافهة كل كل ده مع بعض، كل ده مشغولة بيه وكل ده بتنفذه.
لافتة :" المرأة لما بتخلف طفل عنده مشكلة ، موضوع البكاء على اللبن المسكوب ده بتتجاوزه وبتبتدي تخُش في المشكلة وتشوف ازاي تقدر تطلع منها احلى ما ممكن يطلع من الطفل.
مضيفة :" بعد شوية بتبتدي تكتشف انه دي مش مشكلة، بل دي ميزة ده شيء من التميز وبتعرف ان دي منحة ربنا ادهالها ده تمبز ربنا ميز بيه ابنها او بنتها.
الكلمات المتعلقة