فيديو.. هل هناك حدود في العلاقة الجسدية بين الزوجين؟.. الأنبا بولا يجيب: دي علاقة حب فمتعملش حاجة شريك حياتك مش بيرتاح لها

كتب - محرر الاقباط متحدون
وجه نيافة الأنبا بولا مطران إيبارشية طنطا وتوابعها للاقباط الارثوذكس، نصائح لابناء الكنيسة لعلاقة زوجية ناجحة .

ورد الأنبا بولا، على سؤال يقول " هل هناك حدود للعلاقة الجسدية بين الزوجين،  و هل كل الاوضاع الجنسية مقبولة امام الله وتجعل الزواج مقدسا  ؟ .

وقال نيافته خلال برنامج "أنا وبيتي" تقديم الإعلامية  نانسي مجدي، عبر  قناة "مي سات"  القبطية الارثوذكسية :" في علاقتك الجسدية افعل ما يريده الآخر.

وتابع :" في الوقت الذي يريده الاخر، وبالاسلوب الذي يريده الاخر فيما لا يتعارض مع وصية الله.

مضيفا :" طيب اذا هنا هيعمل ایه امتی وازاي وفقا لرؤية شريكة حياته،  طالما ان مافيش وصية واضحة  في الكتاب زي ما جاية في روميه واحد مثلا.

وواصل :" من غير ما ادخل في التفاصيل،  يبقى هنا المبدأ ان انت حبيبي اوعى تعمل حاجة حتى لو في نظرك هي مش غلط  بس اللي قدامك مش بيرتاح لها .

لافتا :" مش كل واحد يرتاح لكل حاجة في العلاقة  ومش كل حاجة ممكن تبقى مقبولة مع البدايات.

ونصح :" عشان كده خليك حريص هي علاقة حب ، انت بتحبها اعمل اللي بتحبه في الوقت اللي بتحبه بالاسلوب اللي بتحبه مادام بتحبها .

وحذر قائلا :" انا عايز احذر ولادي على فكرة لما تقعد تضغط عليها، قد توافق مرة او مرات انما هو ده الاسلوب اللي بتعمله غصب عنها كرها ارضاء ليك .

وتابع :" بهذه الكيفية ستكره الزوجة العلاقة الجنسية،  بسببك ، لتشتكي انت وتقول زوجتي ابتعدت عني وتتهرب منى .

موضحا :" الذي دفعها الى كره العلاقة هو  كونك فرضت عليها اوضاع هي لا ترتاح لها .

ونصح الزوجات قائلا :" بقول لبنتي لو سمحتي الحاجة  اللي انت مش مرتاحة لها متوافقيش عليها من الاول.

-ما تقوليش عشان ارضيه لان هترضيه  في الاول وبعد كده هتتعبي .

-متقوليش جايز  انا هاخد عليها لا ده غلط

- الزواج يابنتي علاقة  حب مش غصب على شيء،  هو مش دواء الدكتور بيدوهوني ومضطر اخده رغم ان طعمه وحش.

- دي علاقة حب اعملي اللي بتحبيه واقنعيه باللي بتحبيه وهو لازم يعمل اللي انت بتحبيه.

مشددا :" دي علاقة حب متبادل المقياس ده اللي انا اقدر اقوله.

وتابع :" مارسوا اللي بتحبوه في الوقت اللي بتحبوه بالاسلوب اللي بتحبوه انتوا الاثنين مع بعض.

كما اضاف :"  لو واحد ما بيحبش حاجة يبقى لا ه باختصار شديد .