خالد منتصر : واحد بيقولي حجزت مقعدك في النار عشان لابس دبلة دهب .. بيهددني بصفته محتكر الجنة .. فجأة بقت حرام لما مصر بقت مليانة ايمان !

استنكر المفكر والطبيب خالد منتصر التشدد في مصر ، حيث رد على متشدد قال له  ان مصيره في الآخرة دخول النار لانه يضع خاتما ذهبيا في اصبعه (دبلة) والذهب محرم على الرجال .

 

وكتب منتصر عبر حسابه على فيسبوك :"واحد من سماسرة السما المؤلفة جيوبهم كبر صورتي وبعت يقول لي وكمان لابس دبلة دهب !!!؟؟؟ كده حجزت مقعدك في النار !!!.

 

وتابع :"فضيلته بيهددني بصفته محتكر الجنة !! باقول له أيوه أنا لابس دبلة دهب وأبويا كان لابس دبلة دهب في فرحه ، وجدي  كمان !!!.

 

موضحا :" الدبلة الفضة دي لسه عارفاها مصر من التمانينات ، وأعتقد ان الاسلام دخل مصر قبل هذا التاريخ !!! ، فجأة بقت الدبلة الدهب حرام لما مصر بقت مليانة ايمان !!!وغالباً اللي لابسينها لابسينها استرخاص ولقوها فرصة وبالمرة الناس تقول عليهم شوفوا الورع والتقوى!!.