فيديو.. إبراهيم عيسى: زعيم المعارضة مسح بـ"نتنياهو" بلاط الكنيست دون ان يواجه اتهامات بالخيانة.. إسرائيل ترتكب جرائم لكنها تمارس الحرية والمصارحة في شأنها الداخلي

كتب - محرر الاقباط متحدون
قال الإعلامي إبراهيم عيسى :" زعيم المعارضة الاسرائيلي يائير لابيد انتقد رئيس مجلس الوزراء  بنيامين نتنياهو بمنتهى الحدة والغضب وسط اغلبيته في البرلمان .

واضاف عيسى خلال تقديم برنامج (حديث القاهرة)، المُذاع عبر فضائية القاهرة والناس :"الحكومة الإسرائيلية تواجه انتقادات حادة من الداخل رغم حالة الحرب من جهتها على سبع جبهات.

وتابع :" إسرائيل دولة محتلة غاصبة تمارس جرائم حرب يوميا لكنها تمارس الحرية والمصارحة في شأنها الداخلي.

موضحا :" زعيم المعارضة الاسرائيلي يائير لابيد تحدث عن اعداد الضحايا والمصابين داخل الكنيست دون اتهامات بالخيانة والعمالة.

كما اوضح :" لابيد قال لنتنياهو انت اكثر شخص اضعفت اسرائيل وقال له ان اسرائيل لم تقصف بهذا الحجم من الصواريخ طوال عمرها إلا في عصرك.

وتابع :" يعني خطاب في منتهى الحدة والقسوة لدرجه انه حملوا مسؤولية 11000 مصاب في الجيش الاسرائيلي و 900 قتيل، وانه في نقص في الجيش الاسرائيلي 10000.

كما اضاف :" وقاله انت بتدي رشاوي لمؤيدي وانصار في الحكومة علشان تمد وجودك في الحكومة.

لافتا :" عاصفة من الهجوم اللي بيعري نتنياهو من كل  ورقة توت اللي متصوره نتنياهو او بيقدمه باعتباره نياشين وبيعتبره مجد عظيم .

مضيفا :" فإذا برئيس المعارضة يطلع يهاجموا هذا الهجوم الساحق الماحق اللى بيطعن في كل ما فعله .

وواصل : زعيم المعارضة خرج يمسح برئيس الحكومه بلاط الكنيست، ولا حد قاله احنا في ظروف الحرب ولا داعي لخفض الروح المعنوية للشعب
الاسرائيلي.

 ولا ماينفعش يالابيد في هذا التوقيت الحرج والظروف الصعبة التي تمر بها امتنا ما هي اسرائيل امة برضو.

وتابع :" وانه الشارع الاسرائيلي لما يسمعك يقول ايه دلوقتي عن حكومته وازاي نهز الثقة في الجيش بتاعنا وهو بيحارب على سبع جبهات.

 او ازاي تقول ان احنا بننهزم بينما احنا بنقول للناس ان احنا بنتصر يعني نشمت فينا العدو ولسه قاتلين يحيى السنوار وحسن نصرالله.

وواصل :" بنضرب في ايران وانت جاي تقول ان احنا مهزوزين وضايعين وانت اسوا واحد يا رئيس الحكومة ليه يا لابيد.

وتابع :" مفيش حاجة من دي اتقالت، مفيش (السهوكة) والكلام العربي ده .

واضاف :" مافيش بقى الشغل بتاع الطريقة العربية الفلسطينية الحمساوية اليسارية الناصرية القومية الحكومية لفكرة اصل ما ينفعش نقول الكلام ده واحنا تحت الضغوط دي.

لافتا :" ده في ناس بتنزعج من المناقشة ومن المعارضة في اسعار البنزين باعتبار ان ده بيهز معنویات الشعب .

واضاف :"شوف المجتمع المفتوح اللي بيدير حرب، قول على اسرائيل زي ما تقول و کله صحيح نعم دولة محتلة دولة غاصبة دوله تنتهك القانون الانساني.

وتابع :" دولة يعني كلما صحت الصبح مارست جرائم حرب يعني مع كل فتحة جفنين صباحا وبتمارس جرائم حرب، قول زي ما انت عايز.

كما اضاف :" لكنها تمارسها في مواجهه الاخرين في مواجهتنا احنا فلسطينيين وعربا وغيره.

وتابع :"  انما بينها وبين نفسها شوف قدر الحرية والانفتاح، والمعارضة والمساءلة والمحاسبة والمكاشفة على انك تضع الفأس على رأس او على رقبة الصنم السياسي اللي موجود في الكنيست.

وتابع :" ومفيش حد قال لزعيم المعارضة انت خائن وعميل ولا قرر يسقط عضويته من البرلمان.