خالد منتصر : يجب محاسبة من وضعوا بذرة التدخل في شؤون الآخرين باسم الدين قبل طبيبة نساء كفر الدوار

طالب المفكر والطبيب خالد منتصر ، بمحاسبة الذين روجوا للتدخل في شؤون الآخرين باسم الدين قبل محاسبة طبيبة نساء كفر الدوار  صاحبة فيديو "الحمل السفاح" والتي افشت خلاله اسرار المرضى .

 

وكتب منتصر عبر حسابه على فيسبوك :" فعلاً المفروض اللي يحاسب قبل الدكتورة من وضعوا بذرة الحشرية بإسم الدين والتعالي واحتكار الحقيقة بإسم الدين، وإهدار كرامة الناس وخصوصياتهم بإسم الدين، والتنطع والتزيد والتكفير والاقصاء بإسم الدين، وتبرير الشتائم والسباب والوقاحات بإسم الدين، من يحاسب هم الذين اخترعوا وصنعوا هذا الباكيدج الفكري الردئ منتهي الصلاحية ، وظلوا عشرات السنين يصبونه في أمخاخ المغيبين والغلابة حاسبوهم مع الدكتورة.

 

وقالت الطبيبة خلال الفيديو الذي اثار الغضب والجدل :" ده غير بقى الحالات اللي بتجيلنا بقى من الشارع دي تولد وتسيب عيالها وتمشي دول ياما ياما جدا انتوا مش متخيلين الوضع، لقيت مامتها داخلة اصل انا عايزة اتكلم مع الدكتورة لوحدنا قلت بس جت اللحظة الحاسمة خير يا مدام ؟ ،قالت لي بصراحة البنت متجوزة جوازة مش على هوانا،  ولدناها والدنيا تمام وامورها زي الفل، الكلام ده من الساعه 10 الصبح فين يا عسول الورق بتاعك قسيمة الجواز والبطايق، قالت  اصل انا جيت اولد وجوزي كان في الشغل فهو ما يعرفش.     

 

واضافت :" بالنسبة لي دي كدة حالة فاقدة الاهلية  وما فيش اب للعيل ده، الاقي ورقة عرفي مكتوبة  كده بقلم بخط الايد والبطايق اتفرج بقى على البطايق البيه مواليد 2004 تقريبا او 2005 والهانم دي مواليد 1990 يعني هي بسم الله ما شاء الله اد الست ولدته .