3000 جنيه تكفي الأسرة طعام وشراب في الشهر.. نادر نور الدين يستنكر تصريح رضوى حمزة: استاذ الجامعة لابد ان يكون موضوعيا ومحايدا

كتب - محرر الاقباط متحدون
استنكر دكتور نادر نور الدين، خبير الموارد المائية، تصريح الدكتورة رضوى حمزة استاذ قسم الاقتصاد المنزلي بجامعة حلوان، بأن الـ" 3000 جنيه تكفي الأسرة المصرية طعام وشراب في الشهر" .

وكتب نور الدين عبر حسابه على فيسبوك :" قال ثلاثة الاف جنيه اكل للأسرة قال!!!!!!، استاذ الجامعة لابد ان يكون موضوعيا ومحايدا،،، لكن انه يقول ان كيلو البطاطس ١٠ جنيه بينما اقل سعر له اليوم ٢٥ جنيه فهذا لايصح ولا ان الجبنة القريش التي يكرها الاطفال في عمر ابتدائي واعداي وثانوى انها ٧٠ جنيه واقل نوع ١٠٠ جنيه والجبن الاخرى برميلي وثلاجة واسطمبولي اقل سعر ١٣٠ جنيه،، وقالت الارز ٢٠ والارز اقل نوع ٣٠ جنيه وقالت العدس ٣٠ جنيه وانا لسة شاريهم اليوم من العلاف وليس من السوبرماركت ابوجبه ٦٠ والاصفر ٧٠ جنيه!!!.

مضيفا :"طبعا رب الاسرة عارف ان اولادة في عمر التعليم لازم يتغذوا كويس لانها مرحلة نمو للبعد عن الانيميا والتقزم وضعف العظام لأنه بيأسس اولاده يعنى لازم لحوم ودجاج واسماك.

حنقول يطبخوا مرتين في الاسبوعين مره لحوم ومرة فراخ وكل طبخة تستهلك في يومين يعنى اربعة ايام طبيخ ويوم خامس سمك ويومين قرديحي وهفأ!، كيلو لحمة في الاسبوع حنقول ٣٠٠ جنيه من اللحوم الرخيصة وبلاش لحوم ٤٥٠ جنيه،،، يعني ١٢٠٠ جنيه لحوم فقط في اربع اسابيع،،،وكمان فرخة في الاسبوع يعنى اربع فرخات في الشهر الفرخة ١٥٠ جنيه يعنى ٦٠٠ جنيه في الاربع اسابيع.

وواصل :" وحنقول اليوم الخامس سمك ونخليها كيلو ونصف وبلاش ٢ كيلو وحنقول بلطي ارخص نوع وان الاولاد لن يزهقوا منه  بسعر ١٥٠ جنيه للكيلو ونصف يعنى ٦٠٠ جنيه في الشهر،،، واليومين المتبقين نقول كشرى ومكرونة ومسقعة وعدس وبطاطس نى في ني قرديحي،، حنقول ٧٠ جنيه لليوم يعنى ليومين ١٤٠ يعنى في الشهر ٥٥٠ جنيه الفطارظ

 وحنقول وهم رايحين المدرسة وبينزلوا سبعة الصبح وبلاش بيض ولا جبنة ولا مربى ونفترض ان الاب حيجيب لكل واحد ٣ ساندوتشات شامي فول وطعمية يعنى ١٢ ساندوتش لاربع افراد ١٢٠ جنيه لان الواحد ١٠ جنيه ونقول في الشهر ٢٢ يوم لان جمعة وسبت اجازة  يعنى ٢٦٥٠ جنيه ساندوتشات فول وطعمية للفطار.

ونقول اربعة كيلو ارز و٤ مكرونة وكيلو واحد عدس و٤ كيلو بطلطس وزيهم طماطم وبصل وثوم للايام القرديحي ادى كمان ٣٠٠ جنيه،،،، ونقول٢ كرتونة بيض في الشهر ٣٠٠ جنيه واربعة كيلو جبنة بيضا في الشهر ٤٠٠ جنيه فقط.

وحنقول للعشا كل واحد ٣ فينو صغير ٢.٥ جنيه للواحد يعنى ١٢ رغيف للاسرة في اليوم يعنى ٣٠ يوم في ٣٠ جنيه في اليوم يعنى ٩٠٠ جنيه.

وحنقول خضار الطبخ لمرتين في الاسبوع يعنى ٨ مرات في الشهر كل مرة ٥٠ جنيه خضار وطماطم وبصل وثوم وتوابل يعنى ٤٠٠ جنيه.

ونقول الاسرة تستهلك جركن زيت ٥ كيلو في الشهر ٣٥٠ جنيه ارخص حاجة ومعاهم كيلو واحد زبدة في الشهر ٣٠٠ جنيه، ونقول كيسين منظفات في الشهر الكيس ٢.٥ كيلو يعنى ٥٠٠ جنيه وسيبك من حكاية المساحيق السايبة علشان الاولاد مايلبسوش غسيل مقرح غير نظيف وباهت ويكسفوا وسط زملائهم.

وحنقول عندهم سيارة صغيرة لانها ارخص من المواصلات حتستهلك من فيصل للجيزة مثلا ٥٠ لتر في الاسبوع يعنى ٢٠٠ لتر في الشهر يبقى ٣٠٠٠ جنيه في الشهر،، وحندى للطفل ٢٠ جنيه مصروف في اليوم لو نفسه راحت لحاجة يعنى لطفلين ٤٠ جنيه في اليوم فيكون ١٢٠٠ جنيه في الشهر علشان ماينفعش يوم الاجازة ما ياخدش مصروف، وبلاش السكن والكهرباء والغاز والمياه وكسوة صيف وشتا وملابس خروج للوالدين!!!!.

واختتم :" الحسبة دى ١٠٢٥٠ من غير بنزين ولا مواصلات نحط عليهم ثلاثة الاف جنيه للأسرة!! ايه رأيك ياست الدكتورة الحسبة القليلة بتاعتك ام ٣٠٠٠ جنيه صحيحة ولا حضرتك كنتي غير موفقة في حسبتك!! حتى لو حذفتي نصف مكوناتي حتكون على الاقل ستة او سبع الاف!!!.