د.نادر نور الدين عن ازمة كروت الشحن : الصح ادفع ١٠٠ اخذ شحن ١٠٠ .. مواطن مستباح ومعدوم الحقوق

علق دكتور نادر نور الدين على الانباء المتداولة بخصوص زيادة جديدة في أسعار كروت الشحن.

 

وكتب نور الدين عبر حسابه على فيسبوك :" لا تأخذ منى المكسب مقدما في خدمات الموبايل يعنى اشترى كارت ١٠٠ وحضرتك تعطيني ٧٠ جنيه وتكسب ٣٠٪؜ مقدما،، ولو زادت ادفعلك ١٠٠ جنيه تديني ٥٥ جنيه وتاخذ مكسب ٤٥٪؜ مقدما قبل ما استخدم الخدمة!، اللي بيحصل ده ليس له مثيل في العالم وبتخلي العرب والاجانب يتريقوا علينا وعلى حكومتنا وشركاتنا،الصح انا ادفع ١٠٠ اخذ شحن ١٠٠ وحضرتك تخلي المكالمة بالسعر اللي يعجبك،، يعنى بدل ١٩ قرشا تخليها ٣٠ تخليها ٥٠ انت حر وانا اقتصد في مكالماتي ومدتها للتعامل مع ارتفاع الاسعار انما تاخذ منى ٤٥٪؜ مكسب صافي او فردة مقدما فهذا كلام فاضي فاضي وافتكاسات من شركات مليارية المكاسب ومازالت تطمع في المزيد على حساب مواطن مستباح من الجميع ومعدوم الحقوق.