فيديو.. الأنبا مرقس يرد على زوجة تسأل "كيف يمكنني العيش مع زوج كاذب ومدمن": "لو أتعالج من الإدمان في أمور كتيرة هتبتدي تتصلح"

كتب - محرر الاقباط متحدون
رد الأنبا مرقس مطران شبرا الخيمة و توابعها للاقباط الارثوذكس، على سؤال لسيدة يقول :" كيف يمكنني العيش مع زوج كاذب ومدمن؟."

 وقال نيافته خلال برنامج (بيت على الصخر) المُذاع عبر قناة (سي تي في )، القبطية الارثوذكسية :" الزوج في الحقيقه عنده امراض كتيرة، بيشرب الكحوليات والحاجات دي من اصعب ما يمكن خاصة  لما يكون مدمن ليها لانها بتضيع العقل وبتضيع التصرفات ودي صعبة جدا.

وتابع :"بتقول لما بيدخل الشقة مبيعرفش الحمام فين لا ده شيء خطر جدا، وبتقول كهنه تدخلوا للحل، لا المفروض ده عايز طبيب يعالجه او يروح دار الاستشفاء عشان يتعالج من الادمان.

لافتا :"  لو اتعالج من الادمان في امور كتيرة هتبتدي تتصلح يعني هيفكر صح هياخد باله من مراته هياخد باله من اولاده هياخد باله من مصاريفه، عشان كدة اول خطوة لازم يتعالج من الادمان .