فيديو .. د.حنان فهيم تقدم طرق للتفكير خارج الصندوق : ركز على المزايا الإيجابية في طفلك والإيجابي بيمسح كل حاجة سلبية

كتب - محرر الاقباط متحدون 

يولد الأطفال مبدعين ولديهم خيال واسع، قبل ان يبدأ الاهل في تخويفهم، وقبل أن يلتقوا أشخاص يتنمرون عليهم ويقولون لهم "انتم فاشلون" عندما يكبرون، انه ما يقتل روح الإبداع داخلهم.

 

هذا ما أشارت اليه الدكتورة حنان فهيم خبيرة التنمية البشرية خلال تقديم برنامج "اصنع حياتك بنفسك" المُذاع عبر قناة موقع (الأقباط متحدون).

 

وقدمت فهيم طرق للتفكير خارج الصندوق قائلة :" نفكر خارج الصندوق، يعني ركز على الإيجابي ولما تركز على الإيجابي بتمسح كل حاجة سلبية، مثلا الولد خطه وحش بس شاطر،  اركز على الخط واسيب الشطارة ! .

 

وتابعت :" هيقولي انت ركز على الخط وانا كمان مش هبقى شاطر ، لا مفروض افرح واسقف واقوله برافو وشاطر وادعم وانت طفل ذكي انت بتلقط المعلومة بسهولة، انت مش متعب في المذاكرة انت بتجيب درجات حلوة جدا فاوتوماتيك هيدور ان يبقى خطه حلو واحسن من الاول .

 

 

مضيفة :" بالنسبة للعرائس الجدد، هيقول الزوج مراتي مش بتعرف تطبخ، لو قعدت تنتقد وانت ما بتعرفيش مش هتعرف ومش هتتعلم ، ولو قلت لها برافو ايه الجمال ده اكلك جميل يعني شويه ملح ولا اقولك خلي الملح برة عشان ده  بيعمل مشكلة، وانت بذلتي  مجهود جامد ، كل ده وقت في المطبخ عشان ناكل لقمة حلوة، لما تشجع هتلاقيها في الاخر بتتفرج على اليوتيوب وتجيب معلومات حلوة وتعمل اكل جميل .