خالد منتصر: السيناريست الكبير بشير الديك يعاني من الاهمال في الرعاية المركزة

كتب - محرر الاقباط متحدون
قال المفكر والطبيب خالد منتصر :" السيناريست الكبير  بشير الديك بيعاني من الاهمال في الرعاية المركزة.

مضيفا عبر حسابه على فيسبوك :" قالوا لبنته مادام مش قادره ع المصاريف روحي!!معقول الكلام ده!!أتمنى نقله وادي النيل.

وفي ذات السياق ، قالت دينا ابنة السيناريست الكبير بشير الديك، ان والدها الذي تعرض لوعكة صحية مؤخرا، يعاني الاهمال في المستشفى .

وكتبت عبر حسابها على فيسبوك :"للأسف بابا دخل تاني الرعاية في  مستشفى،   والمرة دي الموضوع بقى مختلف خالص.. للأسف حالته بعد ما كانت بتتحسن شوية بقت ترجع تسوء تاني…  المشكلة في الإهمال وعدم الاهتمام بالمرضى، رحنا امبارح وقت الزيارة لاقينا بابا زاد عدم وعيه وذراعه وارم جداً وبيؤلمه وماحدش كان واخد باله والمفروض انه في الرعاية.

مضيفة :" المشكلة التانية انه بقى لا قادر يمضغ الأكل ولا يبلعه… دا غير انه كان جعان على غير العادة لانه بالرغم من عدم قدرته على المضغ ولا البلع لكنه اول ما بدأ يأكل بدأ وعيه يزيد… ازاي دي رعاية…  ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة)   بقت بتشوف الأدوية اللي بياخدها وبتعرف تأثيرها والآثار الجانبية بتاعتها و بدأت تناقش الدكاترة في الأدوية  دي راح دكتور الرعاية المحترم المتواجد ساعتها قال لها "لو مش قادرين على مصاريف المستشفى روحوا مستشفى تانية.