فيديو .. حسام موافي : لما ترتفع الأسعار محدش يزعل"واستعينوا بالصبر والصلاة" .. وتصريحاته تثير غضب المصريين : عايشين احسن عيشة وتقولوا للغلابة استحملوا ! .. خليك في الطب
محرر الأقباط متحدون
١٥:
٠٦
م +02:00 EET
الجمعة ٣ يناير ٢٠٢٥
كتب - محرر الاقباط متحدون
وجه الدكتور حسام موافي، أستاذ طب الحالات الحرجة بمستشفى قصر العيني، رسالة للمواطنين في ظل ارتفاع الأسعار المستمر بشكل جنوني.
وردا على سؤال: "كيف يصبر الناس على الحياة؟"، قال موافي خلال لقائه الإعلامية فاتن عبد المعبود، مقدمة برنامج "صالة التحرير" المذاع على قناة صدى البلد:"ربنا قدم الصبر على الصلاة.
وتابع :" إذ يقول:"واستعينوا بالصبر والصلاة"، لذلك الصبر أمر مهم في حياتنا".
وتابع: "لا توجد مشاكل تستمر العمر كله، فارتفاع الأسعار نصبر عليه، سيمر، وفي دول حوالينا تعرضت لكوارث، مثل فلسطين وسوريا والسودان.
واضاف :" فلما ترتفع الأسعار، محدش يزعل، بل نصبر واستعينوا بالصبر والصلاة. فالصابرون قد يكونون في مرتبة أعلى من المصلين".
وأثارت تصريحات الدكتور حسام موافي غضب العديد من المصريين الذين يعانون من غلاء المعيشة المستمر، وطالبوه بالمطالبة بتخفيف الضغط على الشعب وليس العكس .
وفيما يلي بعض من هذه التعليقات :
-حاضر يا دكتور هنصبر بس نقعد فى فيلا من اللى انت قاعد فيها.
-إذا كنت انت بتنصح الناس أنهم يصبروا على الغلاء ويعانون من الفقر وقلة الحيلة ، هل تقدر انت تعيش معاناتهم وحرمانهم ؟ نصيحة في غير محلها !.
لا حول ولا قوة الا بالله العلي العظيم ، طيب لما العلاج يغلي برضو منزعلش ومنشتريش ونصبر برضو .
-الواو تعني المعية وليس الترتيب بلاش فتي مختلط بالتطبيل.
-لاحول ولاقوة الا بالله هي ناقصه ياعم الحاج خليك في الطب.
-لكن ينفع الدكتور يبوس ايد رجل الأعمال الا مشغله.
-والله انا كنت بحبك لكن ممكن اغير رأي.
-لو غليت شويه ماشي انا معاك طب لو بتغلي كل شويه.
-الغلبان ممكن يصبر لما يرى اللى حواليه صابرين غير كده تغير الاسم من الصبر إلى القهر.
-موافقين بس كلنا نصبر مش ناس تسكن فى قصور و ناس مش لاقية قبور.
-دخل باب التطبيل من وسع.
-لو راجل من الطبقه المتوسطه او الفقيره ممكن اقبل كلامه لكن ده راجل باس ايد راجل زيه بسبب انه معيشه في عز ، كان الاولي ينصح نفسه.
-حسبنا الله ونعم الوكيل الغلابه تستحمل وانتوا عايشين احسن عيشه وتقولوا استحملوا متيجى تستحمل معانا.
- يادكتور خليك فى الطب افضل ودع الفتاوى والقران الكريم لأصحابه من الأزهر الشريف.
-حتي انت طاب خليك في الطب احسن دنا كنت بحب اسمعك.
-ومين قال إننا زعلانين دا إحنا بنتحصر وهيجنا جلطة .
-مش قادره افهم ايه اللي حشرك في تفسير القرآن الكريم ده تخصصك انت دكتور يبقي تكشف وانت ساكت.
-انت سيبت الطب واشتغلت في التطبيل.
-يا دكتور ده انت الكشف عندك معدي 1000ليه انت بقي مبتصبرش علي المريض اتقوا الله قولوا قولا كريما.
-احنا صابرين بقى لنا 10 سنين يا عم الحاج وبعدين الاسعار مش بتزيد شويه الاسعار بتزيد كل يوم ولا انت عايش في دوله تانيه حسبنا الله ونعم الوكيل فيكم.
الكلمات المتعلقة
